Dargwaz 3:8 - Hodáay Pákén Ketáb Balochi zobáná

⁸ Man ér átkagán ke áyán cha Mesriáni dastá berakkénán o cha é molká, sharrén o práh o sháhegánén molkéá bebarán, anchén molkéá ke ódá shir o bénagay jó tachagá ant, Kanháni o Hitti o Amuri o Perizzi o Héwi o Yabusiáni molká.

Dargwaz 3:8 ပူးပေါင်းရင်းမြစ်များ

Pédáesh 11:5

Hodáwand ér átk tánke hamá shahr o borjá bechárit ke mardomi addh kanagá atant.

Pédáesh 11:7

Byá, jahláda rawén o esháni zobáná garh o manja kanén ke é, yakdomiay habarán sarpad mabant.”

Pédáesh 15:13

Gorhá Hodáwandá gwasht: “Deljam bay o bezán ke tai nasl o padréch anchén sardhagáréá darámadéáy paymá jahmenenda bit ke á molk áyáni naent. Tai óbádag ódá goláma bant o tán chár sad sálá zolm o zórákiay ámácha bant.

Pédáesh 15:14

Bale man, á kawmá sezá dayán ke tai naslá goláma kant. Padá tai padréch gón mazanén mál o maddhiéá cha ódá dara kayt.

Pédáesh 18:21

ke man jahláda rawán o charán bárén áyáni kortagén kár hamá peryátay kaddá báz ant ke pa man sar butag? Agan chosh naent, wa man sahiga bán.”

Pédáesh 43:11

Gorhá áyáni pet Esráilá gwasht: “Agan allami ent, gorhá chosh kanét ke cha molkay sharterén chizzán lahtén wati pélekán kanét o pa á mardá théki barét gón. Kammé bám, kammé bénag, sosorr o pestah o bádám o washbó barét gón.

Pédáesh 46:4

Man wat gón taw Mesrá káyán o allam tará padá kárán. O Issopay jend tará dast o chamma kant.”

Pédáesh 50:24

Issopá gón wati brátán gwasht: “Man meragi án, bale deljam án ke Hodá pa shomay madatá kayt o shomárá cha é molká dém pa hamá molká bárt ke áiay bárawá gón Ebráhém o Esák o Ákubá sawgendi wártag.”

Zabur 12:5

Hodáwanda gwashit: “Cha nezórén mardománi lagatmáli o hájatmandáni nálagáni sawabá nun jáha janán. Man eshán hamá paymá émenia bakshán ke esháni armán ent.”

Zabur 12:6

Hodáwanday habar asil o béayb ant, nograhay paymá ke cha kurahá dar átkag o hapt randá pák o sallah kanag butag.

Zabur 34:8

Bechashét o bechárét ke Hodáwand nék ent, bahtáwar hamá ent ke áiay mayár o báhótha bit.

Zabur 91:15

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.

Dargwaz 12:41

É chár sad o sién sáláni godhsará, goddhi róchay jendá, Hodáwanday sajjahén mahluk romb rombá cha Mesrá dar átk.

Dargwaz 12:51

Hamá róchay jendá Hodáwandá Esráili, romb rombá cha Mesrá dar kortant.

Dargwaz 13:5

Wahdé Hodáwand shomárá Kanháni o Hitti o Amuri o Héwi o Yabusiáni molká bárt, hamá molká ke gón shomay pet o pirokán sawgendi wártag ke shomárá danti, hamá molká ke ódá shir o bénagay jó tachagá ant, ódá é rasmá hamé máhá barjáh bedárét.

Dargwaz 3:17

man kawla kanán ke shomárá cha é bazzagiá dara kanán ke Mesrá shomay sará átkag o shomárá Kanháni o Amuri o Perizzi o Héwi o Yabusiáni molká barán, hamá molká ke shir o bénagay jó tachagá ant.

Dargwaz 34:11

Tará maróchi har hokmé ke dayán, hamá paymá bekan. Man Amuri o Kanháni o Hitti o Perizzi o Héwi o Yabusián cha tai démá dura kanán.

Dargwaz 5:23

Man Perawnay kerrá shotán ke tai námay sará gón áiá habar bekanán, bale cha á róchá o rand Perawná tai mahluk ganter janjál kortag o taw pa mahlukay rakkénagá hecch nakortag.”

Yuhanná 3:13

Hechkas ásmáná borzád nashotag, abéd cha hamá kasá ke cha ásmáná ér átkag, bezán Ensánay Chokká.

Yuhanná 6:38

Man pa wati jenday wáhagáni sarjam kanagá cha ásmáná ér nayátkagán, átkagán ke wati dém dayókay wáhagán sarjam bekanán.