Dargwaz 3:20 - Hodáay Pákén Ketáb Balochi zobáná

²⁰ Man wati dastá shahára dayán o Mesrá gón wati hamá sajjahén ajabbatén kárána janán ke manesh áyáni nyámá kanán. Gorhá Perawn shomárá ráwagá kellit.

Dargwaz 3:20 ပူးပေါင်းရင်းမြစ်များ

Pédáesh 15:14

Bale man, á kawmá sezá dayán ke tai naslá goláma kant. Padá tai padréch gón mazanén mál o maddhiéá cha ódá dara kayt.

Zabur 105:27

Eshán mardománi nyámá Hodáay ajabbatén nesháni o áiay mójezah pésh dáshtant, Hámay sardhagárá.

Zabur 105:38

Mesr cha Bani Esráilay rawagá gal but, chéá ke áyáni torsá gár at.

Zabur 106:22

Hámay sardhagárá hayrán kanókén o Sohrzeray kerrá bákamálén kári kortagat.

Dargwaz 11:1

Hodáwandá gón Mussáyá gwasht: “Man Perawn o Mesray sará dega yakk kahré dawra dayán. Eshiá rand á shomárá cha edá rawagá kellit. Rawagay habará bell, shomárá sarjamiá cha edá gallénit.

Dargwaz 12:39

Hamá tarr kortagén árt ke cha Mesrá gón atantesh, cha áyán béhomirén kólokesh patk. Mardom cha Mesrá gallénag butagatant, paméshká chánag béhomir atant. Áyán natwánt mahtal bebant o pa wati tóshagá warák addh bekanant.

Dargwaz 13:3

Mussáyá gón mardomán gwasht: “É róchá mashamóshét ke shomá hamé róchá cha Mesrá dar átkagét, cha hamá molká ke ódá golám butagét o Hodáwandá gón wati dastay zórá shomárá cha ódá dar kortag o áwortag. Homiri nagan mawarét.

Dargwaz 13:9

Wati dastá nesháné o péshánigá yátgéjé per kan ke Hodáwanday Sharyat tai dapá bebit. Chéá ke Hodáwandá gón wati porzórén dastá tará cha Mesrá dar kort.

Dargwaz 15:11

Oo Hodáwand! Hodáyáni nyámá kay tai paymá ent? Kay tai paymá pákiá mazanshán ent? Tai porshánén kár satá karzant o taw hayrán kanókén kára kanay.

Dargwaz 15:6

Oo Hodáwand! Tai rástén dast ajab zórmand at. Oo Hodáwand! Tai rástén dastá dozhmen shengént.

Dargwaz 4:21

Hodáwandá gón Mussáyá gwasht: “Wahdé padá Mesrá raway, bechár, hamá sajjahén mójezah ke man tai dastá dátagant, Perawnay démá á mójezahán bekan o pésh dár, bale man áiay delá senga kanán ke kawmá rawagá maylit.

Dargwaz 6:1

Hodáwandá gón Mussáyá gwasht: “Nun taw genday ke man gón Perawná ché kanán. Perawn mani zórmandén dastá ke gendit, mahluká rawagá kellit. Haw, mani zórmandén dastá ke gendit, áyán cha wati molká gallénit.”

Dargwaz 6:6

Paméshká mani é paygámá Esráilián sar kan: ‘Man Hodáwand án. Man shomárá cha Mesriáni bigáriá kasshán o cha golámiá ázáta kanán. Dastá shahára dayán, Mesrián gránén sezá dayán o shomárá mókán.

Dargwaz 9:15

Chéá ke agan man belóthetén, déri wati daston shahár dátagat o tai o tai mardománi sará kahré dawr dátagat o taw cha jaháná gár o gomsár butagatay.

Kásedáni Kár 7:36

Hamá at ke cha Mesrá Esráiliáni dar áyagay rahshón but. Hamáiá, Mesr o Sohrzeray tayábá o tán chell sálá gyábánán mójezah o ajabbatén nesháni pésha dásht.