Dargwaz 3:15 - Hodáay Pákén Ketáb Balochi zobáná

¹⁵ Hodáyá gón Mussáyá é ham gwasht: “Gón Bani Esráilá begwash ke ‘Yahweh’, bezán shomay bonpirokáni Hodá, Ebráhémay Hodá, Esákay Hodá o Ákubay Hodáyá maná shomay kerrá ráh dátag. Tán abad mani nám hamesh ent o man nasláni nasl hamé námá yát kanaga bán.

Dargwaz 3:15 ပူးပေါင်းရင်းမြစ်များ

Pédáesh 24:12

Áiá dwá kort o gwasht: “Oo Hodáwand! Mani wájahén Ebráhémay Hodá! Maróchi maná sóbén kan o mani wájahén Ebráhémay sará mehrabán bay.

Zabur 102:12

Bale taw, oo Hodáwand, tán abad wati bádsháhi tahtá neshtagay o tai nám nasláni nasl barjáh ent.

Zabur 102:13

Taw jáha janay o tará Sahyunay sará bazzaga bit, chéá ke Sahyunay sará rahm kanagay wahd átkag, á gisshetagén wahd rasetag.

Zabur 135:13

Oo Hodáwand! Tai nám tán abada mánit o taw nasláni nasl yát kanaga bay, oo Hodáwand!

Zabur 30:4

Oo Hodáwanday dóstdárán! Pa Hodáwandá názénk bejanét, áiay pák o palgárén námay shográ begerét.

Zabur 30:5

Chiá ke hezhmi damáné o mehr o rahmati omray drájiá. Bit ke sajjahén shapé pa gréwag begwazit, bale bámgwáhá shádehi wati chehragá záhera kant.

Zabur 68:5

Hodá wati pákén bárgáhá chórhawáni pet ent o janózámáni dádras.

Zabur 72:17

Bádsháhay nám namirán bát, tán rócha drapshit nám o tawári bemánát. Sajjahén kawm cha áiá barkat begerátant o áiá mobárak begwashátant.

Zabur 72:19

Áiay porshawkatén námá tán abad satá bát, áiay shán o shawkat sajjahén zeminá begerát. Anchosh bát. Ámin.

Dargwaz 15:2

Hodáwand mani zór o wák o mani názénk ent. Hodáwand pa man nejáté but. Mani Hodá ent, mana názénáni. Mani petay Hodá ent o man áiá satá o saná kanán.

Dargwaz 15:3

Hodáwand jang kanóké, námi Yahweh ent.

Dargwaz 3:13

Mussáyá gón Hodáyá gwasht: “Agan man Bani Esráilay kerrá berawán o begwashán ke shomay bonpirokáni Hodáyá maná shomay kerrá ráh dátag o á cha man jost bekanant ke áiay nám kay ent, áyáni passawá ché begwashán?”

Dargwaz 3:6

Hodáyá padá gwasht: “Man tai petay Hodá án, Ebráhémay Hodá, Esákay Hodá o Ákubay Hodá án.” Mussáyá Hodáay chárag torset o wati démi gept.

Dargwaz 4:1

Mussáyá passaw dát: “Agan mardom mani sará báwar makanant o mani habarán gósh madárant o begwashant: ‘Hodáwand tai démá záher nabutag,’ gorhá?”

Dargwaz 4:5

Hodáwandá gwasht: “É neshániá ke záhera kanay, gorhá Esráili báwara kanant ke mane Hodáwand bezán áyáni bonpirokáni Hodá, Ebráhémay Hodá, Esákay Hodá o Ákubay Hodá tai démá záher butag.”

Dargwaz 6:2

Hodáyá gón Mussáyá habar kort, gwashti: “Man Hodáwand án.

Dányál 2:23

Oo mani pet o pirokáni Hodá! Man tai shográ gerán o tai tawsipá kanán, chéá ke taw maná zór o hekmat dátag. Annun ham é taw ay ke pa man hamá chizzet záher kortag ke má cha taw lóthetag, chéá ke taw nun bádsháhay jérhah pa má paddar kortag.”

Mattá 22:32

Man án, Ebráhémay Hodá, Esákay Hodá o Ákubay Hodá? Bezán á, mordagáni Hodá naent, zendagénáni Hodá ent.”

Kásedáni Kár 3:13

Ebráhém, Esák o Ákubay Hodá, bezán may pet o pirokáni Hodáyá, wati hezmatkárén Issá shán o shawkat dát, hamá ke shomá geráént o kóshárént o Pilátusay démá á namannet, harchont ke Pilátusá áiay ázát kanagay shawr kortagat.

Kásedáni Kár 7:32

‘Man tai pet o pirok Ebráhém, Esák o Ákubay Hodá án.’ Mussá cha torsá larzagá lagget o áiá tahm o joryat nakort á némagá bechárit.