Dargwaz 29:21 - Hodáay Pákén Ketáb Balochi zobáná

²¹ Kammé per moshagi rógen o cha korbánjáhay sará kammé hón bezur o Hárun o áiay godáni sará o Hárunay chokk o áyáni godáni sará dranz day. Gorhá Hárun o áiay god o áiay chokk o chokkáni god wapke Hodáwandia bant.

Dargwaz 29:21 ပူးပေါင်းရင်းမြစ်များ

Zabur 133:2

Purah gránbaháén thélé ke sará charp kortag o risshán ér rechán ent, Hárunay risshán o jahlád tán kabáhay jigá.

Dargwaz 29:1

Pa Hárun o áiay mardénchokkáni wapk kanagá é kárán bekan ke á dini péshwá bebant o mani hezmatá bekanant: yakk káigeré o do gwarándh bezur, hecch aybesh mán mabit.

Dargwaz 29:20

taw gwarándhá helár kan o cha áiay hónán kammé bezur o Hárun o áiay chokkáni rástén góshay dorjáhá o áyáni rástén dast o rástén páday máti lankokán per mosh o sar átkagén hónán korbánjáhay sajjahén némagán dranz day.

Dargwaz 29:22

É gwarándh ke péshwáay págbandiay rasmay gwarándh ent, eshiay pigán, bezán dombag o cháderpig o sarjagar o doén gotthagán gón pigán o rástén páday boná bezur o

Dargwaz 29:7

Per moshagi rógen bezur o Hárunay sará ér réch o peri mosh.

Yuhanná 17:19

Nun pa hameshánigi watá gón páki o palgári tai sepordaha kanán, tánke é ham gón rástiá palgár o Hodáay sepordah bebant.