Dargwaz 27:21 - Hodáay Pákén Ketáb Balochi zobáná

²¹ Sháhediay tambuay tahá, cha hamá pardahá dhann ke sháhediay pétiay démá ent, Hárun o áiay mardénchokk, bezán dini péshwá Hodáwanday bárgáhá shapá tán sohbá cherágán rók bedárant. É pa Esráiliáni áyókén nasl o padréchán abadmánén parmáné.

Dargwaz 27:21 ပူးပေါင်းရင်းမြစ်များ

Pédáesh 1:5

Hodáyá rozhnay nám “róch” kort o taháriay nám “shap”. Shap gwast o sohb but. É awali róch at.

Pédáesh 1:8

Hodáyá kobbahay nám “ásmán” kort. Shap gwast o sohb but. É domi róch at.

Zabur 134:1

Ji haw, Hodáwandá benázénét, oo Hodáwanday sajjahén hezmatkárán ke shapán Hodáwanday lógá áiay hezmatá kanagá ét!

Dargwaz 12:14

É pa shomá yátgárén róché bebit. Shomá báyad ent é róchá Hodáwanday námá jashné bekanét. Nasláni nasl é jashná abadi parmánéay hesábá barjáh bedárét.

Dargwaz 16:34

Hamá paymá ke Hodáwandá Mussá hokm dátagat, Háruná é darp sháhediay wánekáni démá ér kort ke paházag bebit.

Dargwaz 25:16

Sháhediay wánekán ke man tará dayán, hamé pétiá mánesh kan.

Dargwaz 28:43

Wahdé Hárun o áiay chokk sháhediay tambuay tahá yá korbánjáhay nazzikká rawant, bezán pa hezmatá pákén jágahá káyant, é chérpóshán bepóshant. Chó mabit ke gonáhé wati sará beladdhant o bemerant. É pa Hárun o áiay nasl o padréchá abadmánén parmáné.

Dargwaz 29:28

É cha Esráiliáni némagá pa Hárun o áiay chokkán abadmánén shogránahé, cha hamá hamdeliay korbánigán ke Esráili pa Hodáwandá kanantesh.

Dargwaz 29:42

É sóchagi korbánig nasl pa nasl modám sháhediay tambuay dapá Hodáwanday bárgáhá pésh kanag bebant. Man hamódá gón taw gendoka kanán o gón taw habara kanán.

Dargwaz 29:44

Man tambu o korbánjáhá pák o palgára kanán o pa wata gisshénán, Hárun o áiay chokkán ham pák o palgára kanán o pa wata gisshénán ke dini péshwá bebant o mani hezmatá bekanant.

Dargwaz 30:21

Wati dast o pádán beshódant ke mamerant. É pa Hárun o áiay nasl o padréchá abadmánén parmáné, nasláni nasl.”

Dargwaz 30:36

Cha eshán lahtén bedrosh o árt kan o tambuá sháhediay pétiay démá, ér kan, hamódá ke man gón taw gendoka kanán. Eshiay kadrá bezánét ke cha páká pákter ent.

Dargwaz 30:8

Magrebtahárá ke Hárun cherágán róka kant, padá sóchoki chér besóchit. É Hodáwanday bárgáhá dáemi chér sóchagi korbánigé, nasláni nasl.

Dargwaz 40:3

Sháhediay pétiá tambuay tahá ér kan o pardahá pétiay démá lónján kan ke péti chér o andém bebit.

Mattá 4:16

hamá kawmá ke zendi taháriá gwastagat, mazanén rozhné dist o hamá molk o dhagár ke ódá mark sáhél at, óday jahmenendáni sará rozhnáiá sar jat.

Luká 12:35

Lánká bebandét o wati cherágá rók o rozhnág bedárét.

Yuhanná 5:35

Yahyá rókén cherágé at o rozhni tálána kort o shomá erádah kort ke pa kammén wahdéá áiay nuray tahá gal bebét.

Petrosay Domi Kágad 1:19

Anchosh márá nabiáni pakkáén habar ham hastant, sakk sharr ent ke esháni némagá delgósh bekanét, cherágéay paymá ant ke taháriá drapshit, tán hamá wahdá ke róch bebit o bámay estár shomay deláni tahá sar bekasshit.

Elhám 2:1

Pa Epésosay kelisáay préshtagá nebeshtah kan: É habar hamáiayg ant ke haptén estári rástén dastá ant o haptén teláhén cherágdánáni nyámá gám janagá ent. Á chosha gwashit: