Dargwaz 20:6 - Hodáay Pákén Ketáb Balochi zobáná

⁶ Bale á mardom ke maná dósta dárant o mani parmánáni sará kára kanant, man tán hazárán naslá áyáni sará mehrabána bán.

Dargwaz 20:6 ပူးပေါင်းရင်းမြစ်များ

Zabur 103:17

Bale Hodáwanday mehr, azal tán abad hamá mardománi hamráh ent ke áiay torsesh delá ent o áiay adl, esháni chokk o nomásagáni hamráh,

Dargwaz 34:7

Gón hazárán naslá wati mehrá barjáha dárán o radkári o sarkasshi o gonáhána bakshán bale radkáriá bé sezáyá gwazaga naylán. Pet o mátáni radkáriáni sezáyá chokk o nomásagána dayán, tán sayomi o cháromi naslá.”

Dányál 9:4

Man wati Hodáwandén Hodáay kerrá dwá kort, gonáh mannetant o gwasht: “Oo Hodáwand! Oo mazan o bákamálén Hodá! Taw hamá Hodá ay ke wati ahd o karárá puraha kanay o gón hamáyán mehra kanay ke tará dósta dárant o tai parmánána mannant.

Yuhanná 14:15

Agan shomá maná dósta dárét, gorhá mani hokmána mannét.

Yuhanná 14:21

Á kasá ke mani hokm gón ant o esháni sará kára kant, hamá kas maná dósta dárit. Á ke maná dósta dárit, mani Pet ham áiá dósta dárit o man ham áiá dósta dárán o watá pa áiá záhera kanán.”

Kásedáni Kár 2:39

Hodáwanday é labz o kawl éwak o tahná pa shomá naent, pa shomay chokk o óbádag o á dega durén hand o damagáni hamá mardomán ent ham, ke may Hodáwandén Hodá áyán wati kerrá tawára kant.”

Ákub 1:12

Bahtáwar hamá ent ke wati ázmáesh o chakkásán mohra óshtit. Parchá ke wahdé á cha chakkásán sarbolanda bit, zendmánay hamá táj áiá rasit ke Hodáyá pa wati dóst dárókán wádah kortag.

Yuhannáay Awali Kágad 4:19

Má mehra kanén chéá ke pésará áiá gón má mehr kortag.

Yuhannáay Awali Kágad 5:3

Hodádósti hamesh ent ke Hodáay hokmán kár bebandén o áiay hokm gránén báré ham naent.

Yuhannáay Domi Kágad 1:6

Mehr hamesh ent ke áiay hokm o parmánáni sará zend begwázénén. Áiay hokm hamesh ent ke shomá cha bongéjá eshkotag. Hamé mehray hokmay sará zend begwázénét.