Dargwaz 2:24 - Hodáay Pákén Ketáb Balochi zobáná

²⁴ Hodáyá áyáni nálag eshkotant o wati hamá ahd o paymánay tránagá kapt ke gón Ebráhém o Esák o Ákubá bastagati.

Dargwaz 2:24 ပူးပေါင်းရင်းမြစ်များ

Pédáesh 15:13

Gorhá Hodáwandá gwasht: “Deljam bay o bezán ke tai nasl o padréch anchén sardhagáréá darámadéáy paymá jahmenenda bit ke á molk áyáni naent. Tai óbádag ódá goláma bant o tán chár sad sálá zolm o zórákiay ámácha bant.

Pédáesh 16:11

Hodáwanday préshtagá padá gwasht: “Nun taw lápporr ay o mardénchokké káray. Chokkay námá Esmáél bekan chéá ke Hodáwandá tai peryát eshkotag.

Pédáesh 17:7

Man wati o tai nyámay ahd o paymáná abadmánén ahd o paymáné jórha kanán, gón taw o gón tai áyókén nasl o padréchá. Man tai Hodá án o cha taw rand tai poshpaday Hodá bán.

Pédáesh 18:18

Ebráhém allamá mazan o zórmandén kawmé jórha bit o áiay sawabá zeminay sajjahén kawm barkata gerant.

Pédáesh 22:16

Gwashti: “Hodáwanda gwashit: ‘Maná wati saray sawgend ent, taw ke wati bacchay, wati yakkén chokkay dayagá chakk o pad nabutay,

Pédáesh 26:2

Hodáwand, Esákay démá záher but o gwashti: “Mesrá maraw. Hamá sardhagárá benend ke man tará gwashán.

Pédáesh 26:24

Hamá shapá Hodáwand áiay démá záher but o gwashti: “Man tai pet Ebráhémay Hodá án. Mators, chéá ke man gón taw gón án. Man wati hezmatkár Ebráhémay sawabá tará barkata dayán o tai nasl o padréchá géshá gésha kanán.”

Pédáesh 26:3

Annun hamé molká darámadéáy paymá benend. Man gón taw gón án o tará barkata dayán. É sajjahén zeminán tará o tai nasl o padréchárá dayán o gón tai pet Ebráhémá wártagén sawgendá barjama dárán.

Pédáesh 32:28

Mardá gwasht: “Cha ed o rand taw Ákub gwashaga nabay, tai nám Esráila bit, chéá ke taw gón Hodáyá o gón mardomán merhetagay o sardast butagay.”

Pédáesh 35:11

Hodáyá gón Ákubá gwasht: “Man porwákén Hodá án. Chokk o bar kan o gésh bayán bay. Cha taw kawmé o kawmáni rombé pédá bit o bádsháh cha tai sréná pédá bant.

Pédáesh 35:12

Hamá molk ke man Ebráhém o Esákárá dát, tará ham dayáni o cha taw o rand, tai nasl o padréchárá ham é molká dayán.”

Pédáesh 8:1

Hodáyá Nuh o hamá sajjahén wakshién haywán o dalwat yát kortant ke Nuhay hamráhiá bójigá atant. Hodáyá zeminay sará gwáté ráh dát o áp ér áyán but.

Zabur 102:2

Mani sakki o sóriay róchá wati démá cha man chér maday. Wati delgóshá gón man kan, wahdé tará tawára kanán, zutt passaw beday.

Zabur 102:20

tánke bandigáni nálagán beshkont o hamáyán ázát bekant ke markay sezá dayag butagant,

Zabur 105:42

Chéá ke wati pákén kawli yát at ke gón wati hezmatkárén Ebráhémá kortagati.

Zabur 106:45

gón áyán wati ahd o karári yát kort o cha wati bázén mehrá, cha áyáni badián sar gwast.

Zabur 138:3

Har wahdá ke tará gwánkon jatag taw maná passaw dátag, mani del mazan kortag o maná zór o wák bakshátag.

Zabur 22:24

Chiá ke áiá cha setam distagénay bazzagiá posht nakortag o démi cha áiá natarréntag. Peryáti ke kortag áiá eshkotagant.

Zabur 22:5

Tai dargáhá peryátesh kort o rakketant, tai sará tawkalesh kort o pashal o sharmendag nabutant.

Zabur 79:11

Bandigáni áh o peryát pa taw sar bátant, gón wati báskay zórá hamáyán berakkén ke koshag bayagá ant.

Dargwaz 6:5

Man distag ke Mesrián Esráili golám kortagant o Esráili cha é golámiá nálagá ant. Man é nálag eshkotagant o wati ahd o paymánay yátá kaptagán.

Kásedáni Kár 7:34

Man Mesray sardhagárá wati mardománi sakki o sóri distagant, áyáni peryát o zári eshkotagant, pa áyáni rakkénag o ázát kanagá ér átkagán. Byá, nun man tará padá Mesrá rawána dayán.’