Dargwaz 2:23 - Hodáay Pákén Ketáb Balochi zobáná

²³ Máh o sál gwastant o hamé nyámá Mesray bádsháh mort. Esráili cha wati golámiá nálag o peryátá atant. Áyáni é nálag o peryát borzád shot o Hodáyá sar butant.

Dargwaz 2:23 ပူးပေါင်းရင်းမြစ်များ

Pédáesh 16:11

Hodáwanday préshtagá padá gwasht: “Nun taw lápporr ay o mardénchokké káray. Chokkay námá Esmáél bekan chéá ke Hodáwandá tai peryát eshkotag.

Pédáesh 4:10

Hodáwandá gwasht: “Taw che káré kort? Tai brátay hón cha zeminá gón man peryát kanagá ent.

Zabur 102:1

Oo Hodáwand! Mani dwáyá gósh dár, mani peryát tará sar bát.

Zabur 102:2

Mani sakki o sóriay róchá wati démá cha man chér maday. Wati delgóshá gón man kan, wahdé tará tawára kanán, zutt passaw beday.

Zabur 12:5

Hodáwanda gwashit: “Cha nezórén mardománi lagatmáli o hájatmandáni nálagáni sawabá nun jáha janán. Man eshán hamá paymá émenia bakshán ke esháni armán ent.”

Zabur 18:6

Wati paréshániáni tahá Hodáwandon tawár jat o komak lóthagay peryáton wati Hodáay gwará borz kort. Áiá cha wati parasteshgáhá mani tawár eshkot o mani komak lóthagay peryát áiay góshán raset.

Dargwaz 1:14

Hesht o batánahay addh kanagesha parmátant o dhagáráni sará har dábén gránén káresha geptant o áyáni zendagiesh azáb kort. Sajjahén káresh pa bérahmi parmátant.

Dargwaz 4:19

Midyánay molká Hodáwandá gón Mussáyá gwasht: “Padá Mesrá beraw, chéá ke á sajjahén mardom ke tai koshagay randá atant, mortagant.”

Dargwaz 6:5

Man distag ke Mesrián Esráili golám kortagant o Esráili cha é golámiá nálagá ant. Man é nálag eshkotagant o wati ahd o paymánay yátá kaptagán.

Dargwaz 6:9

Mussáyá gón Esráilián é habar kortant, bale wati proshtagén arwáh o gránén zahmatáni sawabá Mussáay habaresh gósh nadásht.

Dargwaz 7:7

É wahdá ke áyán gón Perawná habar kort, Mussáay omr hashtád sál at o Hárunay hashtád o say.

Kásedáni Kár 7:30

Chell sálá rand, Sináay kóhay gyábáná, préshtagé bon geptagén dhólokéay ásay shahmáni tahá pa Mussáyá paddar but.

Ákub 5:4

Bechárét, annun hamá kárendah o dehkánáni mozz shomay helápá kukkára kant, ke áyán shomay dhagáráni keshár rón o mósh kortagant o shomá gón mandr o repk áyáni mozz nadátag. Á ronókáni é peryát, zórmandén Hodáwanday góshá rasetag.