Dargwaz 18:20 - Hodáay Pákén Ketáb Balochi zobáná

²⁰ Hodáay hokm o parmánán eshán sar kan o hamá ráhánesh pésh dár ke é berawant o hamá káránesh sój day ke é bekanant.

Dargwaz 18:20 ပူးပေါင်းရင်းမြစ်များ

Zabur 143:8

Bámgwáhán tai mehray habará beshkonátán, ke man tai sará tawkal kortag, sój day ke kojám ráhá berawán, ke man wati zend tai dastá dátag.

Zabur 32:8

Hodáwanda gwashit: “Tará hamá ráhá sója dayán ke báyad ent beraway, tará shawr o saláha dayán o tará chárána bán.

Dargwaz 18:16

Wahdé jérhahé bitesh, é mani kerrá káyant o man doén némagay mardománi paysalahá kanán o Hodáay parmán o sar o sójánesh sara kanán.”

Mattá 28:20

áyán dars o sabakk bedayét ke mani sajjahén hokm o parmánáni sará kár bekanant. Deljam bebét, man tán donyáay halásiá, modám gón shomá gón án.”

Markás 13:34

Mani per tarragay mesál, hamé dhawlá ent ke mardé dur o drájén saparéá berawt, roksat kanagay wahdá, sajjahén hezmatkáráni kár o bárán sar o sój bekant o negahpáná hokm bedant: ‘Sár o hozzhár bay!’

Pa Tesálunikián Pulosay awali kágad 4:1

Brátán! Dega gappé esh ent, má shomárá sój dátag ke wati zendá chón begwázénét ke Hodá cha shomá wassh o razá bebit o shomá anchosh kanagá ét ham. Nun Hodáwandén Issáay námá gón shomá dazbandia kanén o gwashén ke é chizzá róch pa róch géshter bekanét.