Dargwaz 17:6 - Hodáay Pákén Ketáb Balochi zobáná

⁶ Bechár, ódá Horébá tai démá man taláréay sará óshtán. Gón asáyá talárá bejan, pa mahluká waragi áp dara kayt.” Gorhá Mussáyá Esráilay kamásháni chammáni démá anchosh kort.

Dargwaz 17:6 ပူးပေါင်းရင်းမြစ်များ

Zabur 105:41

Taláré tali dát o áp rawán but, gyábáná kawré tatk.

Zabur 114:8

Áiá talár gwarm kortant, cha ápá porr, mohrén seng ápay chammag.

Zabur 46:4

Kawré hast ke jói Hodáay shahrá shádmána kanant, borzén arshay Hodáay pákén jágahá.

Zabur 74:15

Jó o sarchammag, taw rombént o rawán kortant, modámigén kawr, taw hoshk kortant.

Zabur 78:18

Hodáesh pa zánt hamá warákáni sará chakkáset ke áyáni delá lóthet.

Zabur 78:20

Talári wa jat o cha áiá áp rawán but o kawr sar rechán butant, bale wati mardomán nán ham dáta kant? Yá pa wati kawmá gósht ham tayár korta kant?”

Zabur 81:7

Taw sakkiáni sáhatán peryát kort o man tará rakként, man grandán andém atán o tará passaw dát, Meribáay ápáni kerrá tará chakkáseton. Ósht...

Dargwaz 14:16

Taw wati asáyá chest kan o dastá daryáay sará shahár day o daryáyá do bahr kan ke Esráili cha daryáay tahá, hoshkiay sará begwazant.

Dargwaz 16:10

Chó but ke wahdé Hárun gón sajjahén Esráili mahluká habará at, áyán gyábánay némagá cháret o Hodáwanday shán o shawkatesh dist ke jambaray tahá záher at.

Yuhanná 4:10

Issáyá áiay passawá gwasht: “Agan taw bezántén ke Hodáay dád o bakshesh chéé o é kay ent ke cha taw ápa lóthit, gorhá allamá taw gón áiá dazbandi kortagat ke maná áp beday o áiá tará zendáp dátagat.”

Yuhanná 4:14

bale harkas ke mani dátagén ápá bwárt, hechbar tonniga nabit. Chéá ke á ápá ke mana dayán, agan kasé bwárti, cha áiay daruná ápay chammagé bojit ke abadmánén zenda bakshit.”

Elhám 22:17

Pákén Ruh o bánóra gwashant: “Byá.” Hamá ke eshkont, bell gwashit “Byá.” Hamá ke tonnig ent, bell kayt, hamá ke lóthók ent bell cha zendápá mopt o bé zarrá zurit.