Dargwaz 17:2 - Hodáay Pákén Ketáb Balochi zobáná

² Mardom gón Mussáyá arhetant, gwashtesh: “Márá áp beday ke bwarén.” Mussáyá gwasht: “Chéá gón man arhagá ét? Chéá Hodáwandá chakkásét?”

Dargwaz 17:2 ပူးပေါင်းရင်းမြစ်များ

Zabur 106:13

Bale zutt béhayál butant ke áiá ché kortagat o pa áiay shawr o saláhá wadáresh nakort.

Zabur 106:14

Gyábáná wati hawá o hawasáni randgir butant o hoshkáwagán Hodáesh chakkáset.

Zabur 78:18

Hodáesh pa zánt hamá warákáni sará chakkáset ke áyáni delá lóthet.

Zabur 78:41

Rand pa randá Hodáesh chakkáset, Esráilay pákénesh ázár dát.

Zabur 78:56

Bale angat áyán borzén arshay Hodá chakkáset o áiay helápá sarkashiesha kort, áiay hokmesha namannet.

Zabur 95:8

“Wati delán á paymá sarkash makanét ke kawmá Meribáyá kort, ke kawmá á róchi Massahay gyábáná kort.

Zabur 95:9

Ódá shomay pirénán maná chakkáset o ázmáesh kort, bell ke mani kortagén káresh distagatant.

Dargwaz 15:24

Mahluká Mussáay sará norondhet o gwasht: “Ché bwarén?”

Dargwaz 16:8

Mussáyá gwasht: “Hodáwand shomárá pa waragá bégáhá gósht o sohbá nagana dant, lápay sérá, chéá ke Hodáwandá shomay hamá norondhag eshkotagant ke shomá áiay sará kortagant. Má ché én? Shomá may sará norondhagá naét, Hodáwanday sará norondhagá ét.”

Dargwaz 17:7

Áiá á jágahay nám Massah o Meribah kort, chéá ke ódá Esráili arhetant o Hodáwandesh ham chakkáset o gwashtesh: “Bárén Hodáwand gón má gón ent yá na?”

Dargwaz 5:21

Gón áyán gwashtesh: “Hodáwand shomárá may hakkáni jostá bekanát o wat ensáp bekanát. Shomá Perawn o áiay hezmatkáráni chammán márá syahru kanáéntag o pa may koshagá zahmé áyáni dastá dátag.”

Mattá 4:7

Issáyá gwasht: “Haw, bale chosh ham nebisag butag: Wati Hodáwandén Hodáyá machakkás o ázmáesh makan.”

Luká 15:12

Kasteréná yakk róché gón petá gwasht: ‘Oo mani pet! Cha tai mál o melkatá, harché ke mani bahr o wandhá kapit maná annun beday.’ Gorhá petá wati sajjahén mál o maddhi doén chokkáni sará bahr kort.

Luká 4:12

Issáyá passaw dát: “Pákén Ketáb chosh ham gwashit: Wati Hodáwandén Hodáyá machakkás o ázmáesh makan.”

Kásedáni Kár 15:10

Nun shomá chéá moridáni gardená gránén jogé bandét o Hodáyá chakkásét? É bárá, na má zorta kanén o na may pirénán zort kortag.

Kásedáni Kár 5:9

Petrosá gwasht: “Chéá pa Hodáwanday Ruhay chakkásagá gón yakdegará hamdast butét? Bechár, hamáyán ke tai mard kabr kort annun darwázagay dapá ant o tará ham dhanná barant.”