Dargwaz 17:14 - Hodáay Pákén Ketáb Balochi zobáná

¹⁴ Hodáwandá gón Mussáyá gwasht: “É kessahá ketábéá nebeshtah kan ke shamóshag mabit. É kessahá Yusháay kerrá byár. Chéá ke man Amálikay nám o nesháná cha jaháná sarjamiá gára kanán.”

Dargwaz 17:14 ပူးပေါင်းရင်းမြစ်များ

Zabur 9:6

Dozhmen, dáemi wayránagáni tahá gár o gomsár butagant, áyáni shahráni risshag o wandhálet cha boná kasshetagant, tantaná áyáni yát ham gár o zawál butag.

Dargwaz 12:14

É pa shomá yátgárén róché bebit. Shomá báyad ent é róchá Hodáwanday námá jashné bekanét. Nasláni nasl é jashná abadi parmánéay hesábá barjáh bedárét.

Dargwaz 13:9

Wati dastá nesháné o péshánigá yátgéjé per kan ke Hodáwanday Sharyat tai dapá bebit. Chéá ke Hodáwandá gón wati porzórén dastá tará cha Mesrá dar kort.

Dargwaz 17:13

Yusháyá Amáliki pawj pa zahm prósh dát.

Dargwaz 24:4

Mussáyá Hodáwanday sajjahén habar nebeshtah kortant. Mussá sohbá máhallah pád átk, kóhay boná korbánjáhé addhi kort o pa Esráilay dwázdahén kabilahán dwázdah sengi mekk kort.

Dargwaz 32:33

Hodáwandá gón Mussáyá gwasht: “Harkas ke mani gonahkár ent, man áiay námá cha wati ketábá dara kanán.

Dargwaz 34:27

Nun Hodáwandá gón Mussáyá gwasht: “É habarán nebeshtah kan, chéá ke man hamé labz kár bastagant o gón taw o gón Esráilá ahd o paymáné kortag.”