Dargwaz 15:3 - Hodáay Pákén Ketáb Balochi zobáná

³ Hodáwand jang kanóké, námi Yahweh ent.

Dargwaz 15:3 ပူးပေါင်းရင်းမြစ်များ

Zabur 24:8

Mazani o shánay é bádsháh kay ent? Porwák o zóráwarén Hodáwand, Hodáwand ke jangá delér ent.

Zabur 45:3

Oo tamardén bádsháh! Gón wati shán o shawkatá zahmá lánká band.

Zabur 83:18

Bell bezánant ke tai nám Hodáwand ent o tahná taw, oo borzén arshay Hodá, sajjahén zeminay sará hákemia kanay.

Dargwaz 14:14

Hodáwand wat pa shomá janga kant, shomá bass árámá benendét.”

Dargwaz 14:25

Hodáwandá áyáni arrabaháni parrag gatthéntant ke arrabaháni barag pa áyán grán bebit. Mesrián gwasht: “Byáét cha Esráiliána tachén ke Hodáwand pa áyánigi gón Mesrá jangá ent.”

Dargwaz 3:13

Mussáyá gón Hodáyá gwasht: “Agan man Bani Esráilay kerrá berawán o begwashán ke shomay bonpirokáni Hodáyá maná shomay kerrá ráh dátag o á cha man jost bekanant ke áiay nám kay ent, áyáni passawá ché begwashán?”

Dargwaz 3:14

Hodáyá gwasht: “Man hamá án ke hastán. Gón Bani Esráilá begwash ke hamá ke nám enti ‘Man Hamá Án’, hamáiá maná shomay kerrá ráh dátag.”

Dargwaz 3:15

Hodáyá gón Mussáyá é ham gwasht: “Gón Bani Esráilá begwash ke ‘Yahweh’, bezán shomay bonpirokáni Hodá, Ebráhémay Hodá, Esákay Hodá o Ákubay Hodáyá maná shomay kerrá ráh dátag. Tán abad mani nám hamesh ent o man nasláni nasl hamé námá yát kanaga bán.