Dargwaz 15:26 - Hodáay Pákén Ketáb Balochi zobáná

²⁶ Hodáwandá gwasht: “Agan taw pa delgósh wati Hodáwandén Hodáay tawárá gósh bedáray o hamá kárán bekanay ke áiay chammán sharr ant, agan áiay hokmán delgósh bekanay o áiay sajjahén parmánán bemannay, hecch choshén nádráhié tai sará nayárán ke man Mesriáni sará áwort, chéá ke mane Hodáwand tai dráh kanók án.”

Dargwaz 15:26 ပူးပေါင်းရင်းမြစ်များ

Zabur 103:3

hamá ke tai sajjahén gonáhána bakshit o tai drostigén nádráhián dráha kant.

Zabur 147:3

Proshtadelán dráha kant o thappánesha bandit.

Zabur 81:9

Shomay nyámá darámadén hodáé mabát o bigánagén hodáéay démá sará jahl makanét.

Dargwaz 12:29

Hamá shapay némá Hodáwandá, Mesray molká sajjahén awali mardénchokk jatant. Sháhi tahtá neshtagén Perawnay awali chokká beger tán zendáná neshtagén bandigéay awali chokk, o mál o dalwatáni sajjahén awali narén chokk, sajjahén mortant.

Dargwaz 19:5

Nun agan shomá pa delgósh mani tawárá gósh bedárét o mani ahd o paymánay parmánbardáriá bekanét, sajjahén kawmáni tahá shomá mani hásén mál o matá bét. Bell toré sajjahén zemin manig ent,

Dargwaz 19:6

bale shomá pa man dini péshwáyáni bádsháhié jórha bét o pák o dar chetagén kawmé bét. Hamé habarán gón Esráilián bekan.’”

Dargwaz 20:2

“Man tai Hodáwandén Hodá án, hamá ke tará cha Mesrá dar kort o áwort, cha hamá molká ke ódá golám atay.

Dargwaz 23:25

Man tai Hodáwandén Hodá án. Mani hezmatá bekan, man tai rezk o rózigá barkata dayán o nádráhiá cha tai jáná dura dárán.