Dargwaz 15:25 - Hodáay Pákén Ketáb Balochi zobáná

²⁵ Mussáyá Hodáwanday kerrá peryát kort o Hodáwandá Mussá dári thokkoré pésh dásht. Mussáyá dár ápá dawr dát o áp shirken but. Ódá Hodáwandá pa mahluká hokm o parmáné gisshént o mahluki chakkáset.

Dargwaz 15:25 ပူးပေါင်းရင်းမြစ်များ

Zabur 50:15

Sakki o sóriáni róchá maná belóth, man tará nejáta dayán o taw maná shán o shawkata dayay.”

Zabur 66:10

Oo Hodá! Chiá ke taw márá chakkásetag, taw márá nograhay paymá palgártag.

Zabur 81:7

Taw sakkiáni sáhatán peryát kort o man tará rakként, man grandán andém atán o tará passaw dát, Meribáay ápáni kerrá tará chakkáseton. Ósht...

Zabur 91:15

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.

Zabur 99:6

Mussá o Hárun cha hamáiay dini péshwáyán atant o Samuil ham cha hamáyán at ke Hodáwanday námesh gept. Hodáwandesh tawár kort o áiá passaw dátant.

Dargwaz 14:10

Wahdé Perawn áyáni nazzikká raset, Esráilián chamm chest kortant o Mesriesh distant ke áyáni randá kaptagatant. Esráilián sakk torset o Hodáwanday kerrá peryátesh kort.

Dargwaz 16:4

Hodáwandá gón Mussáyá gwasht: “Bechár, man cha ásmáná pa shomá nagana gwárénán. Mahluk har róch dhanná dar byayt o wati hamá róchay kesásá nagan mocch bekant o bezurit. É paymá áyána chakkásán ke bárén mani Sharyatay ráhá rawant yá na.

Dargwaz 17:4

Mussáyá Hodáwanday kerrá peryát kort o gwasht: “É mahluká chón bekanán? É wa pa mani sengsár kanagá óshtátagant.”

Dargwaz 20:20

Mussáyá gón mahluká gwasht: “Matorsét, Hodá paméshká átkag ke shomárá bechakkásit o áiay tors shomay delán benendit o shomá gonáh makanét.”