Dargwaz 15:21 - Hodáay Pákén Ketáb Balochi zobáná

²¹ Maryamá pa áyán názénk jat: “Hodáwandá benázénét, chéá ke Hodáwand pa shán o shawkat sóbén but. Áiá asp o aspswár daryáyá chagal dátant.”

Dargwaz 15:21 ပူးပေါင်းရင်းမြစ်များ

Zabur 76:6

Oo Ákubay Hodá! Cha tai neherrán, áyáni arrábah o aspán sar pa markay wábá dát.

Dargwaz 15:1

Gorhá Mussá o Esráilián pa Hodáwandá é názénk jat: “Man Hodáwandá názénán, chéá ke Hodáwand pa shán o shawkat sóbén but. Áiá asp o aspswár daryáyá chagal dátant.

Dargwaz 15:4

Perawnay arrábah o lashkari daryáyá chagal dátant, Perawnay sharterén apsar Sohrzerá bokketant.

Elhám 14:3

É yakk sad o chell o chár hazárén mardom, tahtay démá o chárén sahdár o kamásháni démá nókén sawté janagá atant. Abéd cha hamá yakk sad o chell o chár hazárénán ke cha zeminá mókag butagatant, dega kassá é sawt dar borta nakort.

Elhám 15:3

Áyán Hodáay hezmatkár Mussáay sawt dapá at o Gwarándhay sawt ham. Gwashagá atant: “Tai kár mazan o hayrán kanók ant, oo porwákén Hodáwandén Hodá! Tai ráh pa adl o rásti ant, oo kawmáni bádsháh!

Elhám 5:9

Á nókén sawté janagá o gwashagá atant: “Taw tumáray zurag o eshiay mohráni pach kanagay láhek ay chéá ke taw helár kanag butagay o gón wati hóná pa Hodáyá cha har kabilah, zobán, kawm o rájá mardom pa bahá zortag.