Dargwaz 15:13 - Hodáay Pákén Ketáb Balochi zobáná

¹³ Taw pa mehr wati móketagén mahlukay rahbari kort o gón wati zór o wáká dém pa wati pákén bárgáhá áyáni rahshóni kort.

Dargwaz 15:13 ပူးပေါင်းရင်းမြစ်များ

Pédáesh 19:16

Bale Lutá ke dér kort, á mardán, Lut o Lutay jan o doén jenekk dastá geptant o cha shahrá dhann bortant, chéá ke Hodáwandá áyáni sará rahm kortagat.

Zabur 106:9

Áiá Sohrzer neherr dát o zer hoshk but, cha johlánkián anchosh gwázéntanti ke purah gyábáné.

Zabur 74:2

Wati kawmay yátá bekap, ke taw cha dérén zamánagán pa bahá zortagatant, ke taw móketagant tán tai kawm o mirás bebant. Sahyunay kóhay hayálá bekap ke ódá jahmenend butagay.

Zabur 77:20

Taw wati kawm Mussá o Hárunay dastá rahshóni kort, ramagéay paymá.

Zabur 78:35

Hayálá kaptant ke Hodá áyáni talár ent, hamá borzén arshay Hodá, áyáni posht o panáh.

Zabur 80:1

Oo Esráilay shopánk! Gósh dár, taw ke shopánkéay paymá Issopay ramagay rahshón ay. Oo Hodá! Taw ke karrubiáni nyámá bádsháhi tahtá neshtagay, wati nurá tálán kan.

Dargwaz 15:16

Bimm o dahshaté delá kapitesh. Cha tai báskay zórmandiá á seng o syáha bant, tán hamá wahdá ke tai mahluk begwazit, oo Hodáwand, tán hamá wahdá ke tai móketagén mahluk begwazit.

Dargwaz 15:17

Oo Hodáwand, Taw wati mahluká molká káray o wati mirásay kóhay sará nádénay, hamá jágahá ke taw pa wati nendagá addh kortag, hamá pákén jágah ke tai dastán tayár kortag, oo Hodáwand!

Dargwaz 20:2

“Man tai Hodáwandén Hodá án, hamá ke tará cha Mesrá dar kort o áwort, cha hamá molká ke ódá golám atay.

Dargwaz 6:6

Paméshká mani é paygámá Esráilián sar kan: ‘Man Hodáwand án. Man shomárá cha Mesriáni bigáriá kasshán o cha golámiá ázáta kanán. Dastá shahára dayán, Mesrián gránén sezá dayán o shomárá mókán.

Petrosay Awal Kágad 1:5

Shomá Hodáay sará báwar kortag o Hodá ham gón wati zór o wáká pa hamá nejátá shomay negahpániá kant ke cha annuná tayár ent o áheri zamánagá paddara bit.