Dargwaz 15:11 - Hodáay Pákén Ketáb Balochi zobáná

¹¹ Oo Hodáwand! Hodáyáni nyámá kay tai paymá ent? Kay tai paymá pákiá mazanshán ent? Tai porshánén kár satá karzant o taw hayrán kanókén kára kanay.

Dargwaz 15:11 ပူးပေါင်းရင်းမြစ်များ

Zabur 113:5

Kay may Hodáwandén Hodáay dhawlá ent? May Hodá borzád, wati bádsháhi tahtá neshtag.

Zabur 119:120

Mani jánay gósht cha tai torsá larzit o maná cha tai rahbandána torsit.

Zabur 136:4

Hamá yakkénay shográ begerét ke mazanén mójezaha kant, mehri abadmán ent.

Zabur 145:17

Hodáwand wati hamok ráhá ádel ent, wati sajjahén kárán wapádár.

Zabur 22:23

Shomá, oo Hodátorsán! Áiá benázénét. Oo Ákubay sajjahén chokk o óbádagán! Áiá ezzat o shán bedayét. Oo Esráilay padréchán! Áiay haybatá bechárét.

Zabur 35:10

Á wahdá har band o bógon gwánka jant: “Oo Hodáwand! Tai matth kay ent? Taw nézgárá cha zóráwarteréná rakkénay o nezór o hájatmandá cha pol o pánch kanóká.”

Zabur 60:2

Zeminet jombéntag o tal dátag, taláni beger ke larzagá ent.

Zabur 66:5

Byáét o bechárét ke Hodáyá ché kortag, ajabén kár pa bani ádamá.

Zabur 77:11

Oo Hodáwand! Tai kárán yáta kanán, tai ajabén kárán ke taw péshi zamánagán kortagant.

Zabur 77:14

Taw hamá Hodá ay ke ajabén kára kant. Taw wati zór o wák sajjahén kawmáni nyámá pésh dáshtag,

Zabur 77:19

Tai ráh cha mazanén daryáyá gwast o tai keshk cha mazanén ápán, bale tai pádáni pad gendag nabutant.

Zabur 86:10

ke taw mazan ay o ajabén kára kanay, Hodá tahná taw ay.

Zabur 86:8

Oo Hodáwand! Hodáyáni nyámá kass tai mattha nabit o tai kár bématth ant.

Zabur 89:18

Béshakk, may bádsháh Hodáwandayg ent, may espar Esráilay pákénay.

Zabur 90:11

Kay tai hezhmay trondiá zánt? tai gazab delá torsa nádénit.

Dargwaz 18:11

Nun mana zánán ke Hodáwand cha á dega sajjahén Hodáyán master ent. Chéá ke wati mahluki cha gorunákén Mesriáni zolm o zórákián rakként.”

Dargwaz 20:3

Cha man abéd tará dega hecch hodá mabit.

Dargwaz 3:20

Man wati dastá shahára dayán o Mesrá gón wati hamá sajjahén ajabbatén kárána janán ke manesh áyáni nyámá kanán. Gorhá Perawn shomárá ráwagá kellit.

Dargwaz 8:10

Perawná gwasht: “Bándá.” Mussáyá gwasht: “Anchosha bit ke taw gwashay. Pogol cha taw o tai lógán, cha tai hezmatkár o mardomán dura bant o tahná kawrá jallant, tánke taw bezánay ke may Hodáwandén Hodáay matth nést.”

Dargwaz 8:6

Háruná wati dast Mesray ápáni sará shahár dát, pogol dar átk o Mesray molká mán retkant.

Dargwaz 9:14

Chéá ke é randi man wati sajjahén kahrán tai jend o tai hezmatkár o tai mardománi sará dawra dayán ke taw bezánay ke sajjahén donyáyá mani paymén nést.

Luká 12:5

Man shomárá kaddhana kanán o gwashán ke cha kayá betorsét. Cha hamáiá betorsét ke koshta kant o koshagá rand dózahá dawr dayagay wáki ham hast. Haw! Man shomárá gwashán ke cha hamáiá betorsét.

Elhám 13:4

Áyán hamé azhdiá parastesh kort chéá ke rastarárá ehtiári dátagat o rastaresh parastesh kort o gwashtesh: “Kay rastaray dhawlá ent? Kay gón eshiá jang korta kant?”

Elhám 15:4

Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”

Elhám 4:8

Cha é chárén sahdárán har yakkéá shash bánzol o har némagá chamm per at, bánzoláni chérá ham. É hecch bassa nakanant o shap o róch gwashagá ant: “Pák ent, pák ent, pák ent, porwákén Hodáwandén Hodá pák ent, hamá ke hast butag, hastent o áyagi ent.”