Dargwaz 14:21 - Hodáay Pákén Ketáb Balochi zobáná

²¹ Mussáyá wati dast daryáay sará shahár dát o cha Hodáwanday zórá sajjahén shapá cha ródarátká trondén gwátéá kasshet o daryá poshtá kenzént. Áp do bahr but o hoshki záher but.

Dargwaz 14:21 ပူးပေါင်းရင်းမြစ်များ

Pédáesh 8:1

Hodáyá Nuh o hamá sajjahén wakshién haywán o dalwat yát kortant ke Nuhay hamráhiá bójigá atant. Hodáyá zeminay sará gwáté ráh dát o áp ér áyán but.

Zabur 136:13

Hamá ke Sohrzeri do kapp kort, mehri abadmán ent,

Zabur 148:8

oo gerók o tróngal, barp o jambarán, oo tupánén gwátán ke hamáiay hokmá barjáha dárét,

Zabur 66:6

Daryái hoshk kort o Hodáay kawm ódá pád payádaká cha kawrá gwast, áiay bárgáhá shádmáni bekanén.

Zabur 74:13

É taw atay ke daryáet gón wati zór o wáká do ném kort o daryáay baláháni saret ápáni nyámá próshtant,

Zabur 78:13

Áyáni démay daryái ném kort o ái gwázéntant, ápi, doén démán chó diwálá mekk kort.

Dargwaz 14:16

Taw wati asáyá chest kan o dastá daryáay sará shahár day o daryáyá do bahr kan ke Esráili cha daryáay tahá, hoshkiay sará begwazant.

Dargwaz 14:20

Jambaray menok Mesray lashkar o Esráilay lashkaray nyámá óshtát. Jambará yakk némagé tahár o domi némag rozhná kort. Sajjahén shapá lashkar yakdomiay nazzikká nayátkant.

Dargwaz 15:8

Cha tai pónzay damá áp sar pa sar but, tachókén áp chó diwálá mohr óshtátant. Johlén áp daryáay gobbá badetant.

Dargwaz 7:19

Hodáwandá gón Mussáyá gwasht: “Háruná begwash: ‘Wati asáyá dastá kan o dastá Mesray ápáni sará shahár day, áyáni kawráni sará, áyáni jóáni sará, áyáni taláwagáni sará o áyáni sajjahén ápjalláni sará. Esháni tahay sajjahén áp hón jórha bant. Sajjahén Mesray molk hóná porra bit, ápdán ham cha hóná porra bant.’”

Kásedáni Kár 7:36

Hamá at ke cha Mesrá Esráiliáni dar áyagay rahshón but. Hamáiá, Mesr o Sohrzeray tayábá o tán chell sálá gyábánán mójezah o ajabbatén nesháni pésha dásht.