Dargwaz 12:41 - Hodáay Pákén Ketáb Balochi zobáná

⁴¹ É chár sad o sién sáláni godhsará, goddhi róchay jendá, Hodáwanday sajjahén mahluk romb rombá cha Mesrá dar átk.

Dargwaz 12:41 ပူးပေါင်းရင်းမြစ်များ

Pédáesh 50:24

Issopá gón wati brátán gwasht: “Man meragi án, bale deljam án ke Hodá pa shomay madatá kayt o shomárá cha é molká dém pa hamá molká bárt ke áiay bárawá gón Ebráhém o Esák o Ákubá sawgendi wártag.”

Zabur 102:13

Taw jáha janay o tará Sahyunay sará bazzaga bit, chéá ke Sahyunay sará rahm kanagay wahd átkag, á gisshetagén wahd rasetag.

Zabur 114:1

Wahdé Esráil cha Mesrá dar átk, Ákubay hándán, cha darámadén zobánéay mardománi nyámá,

Zabur 136:11

Esráili cha áyáni nyámá dar kort, mehri abadmán ent.

Dargwaz 12:17

Béhomirén Naganay Aidá barjáh bedárét, chéá ke hamé róchá man shomárá romb rombá cha Mesrá dar kort. Nasláni nasl é róchá abadi parmánéay hesábá barjáh bedárét.

Dargwaz 12:51

Hamá róchay jendá Hodáwandá Esráili, romb rombá cha Mesrá dar kortant.

Dargwaz 13:14

Agan bándá tai chokká cha taw jost kort: ‘É kárá chéá kanagá ay?’ taw begwash: ‘Hodáwandá gón wati dastay zórá márá cha Mesrá dar kort o áwort, cha hamá molká ke ódá má golám atén.

Dargwaz 13:16

É parmáná wati dastá nesháné o péshánigá thekké kan o per kan chéá ke Hodáwandá gón wati porzórén dastá tará cha Mesrá dar kort o áwort.”

Dargwaz 13:3

Mussáyá gón mardomán gwasht: “É róchá mashamóshét ke shomá hamé róchá cha Mesrá dar átkagét, cha hamá molká ke ódá golám butagét o Hodáwandá gón wati dastay zórá shomárá cha ódá dar kortag o áwortag. Homiri nagan mawarét.

Dargwaz 13:9

Wati dastá nesháné o péshánigá yátgéjé per kan ke Hodáwanday Sharyat tai dapá bebit. Chéá ke Hodáwandá gón wati porzórén dastá tará cha Mesrá dar kort.

Dargwaz 3:10

Beraw, man tará Perawnay kerrá ráha dayán, mani kawm Bani Esráilá bezur o cha Mesrá dar á.”

Dargwaz 3:8

Man ér átkagán ke áyán cha Mesriáni dastá berakkénán o cha é molká, sharrén o práh o sháhegánén molkéá bebarán, anchén molkéá ke ódá shir o bénagay jó tachagá ant, Kanháni o Hitti o Amuri o Perizzi o Héwi o Yabusiáni molká.

Dargwaz 6:26

Hamé Hárun o Mussá atant ke Hodáwandá gón áyán gwasht: “Esráilián cha Mesrá romb rombá bekasshét.”

Dargwaz 6:6

Paméshká mani é paygámá Esráilián sar kan: ‘Man Hodáwand án. Man shomárá cha Mesriáni bigáriá kasshán o cha golámiá ázáta kanán. Dastá shahára dayán, Mesrián gránén sezá dayán o shomárá mókán.

Dargwaz 7:4

bale Perawn shomay habarán gósha nadárit. Man wati dastá Mesray helápá chesta kanán, Mesrián gránén sezá dayán o wati Esráili kawmá romb rombá cha Mesrá kasshán.

Dányál 9:24

Pa tai kawm o tai pákén shahrá haptád haptag gisshénag butag ke sarkasshi bekotthit, gonáh halás bebant, korbánig kanag o gonáháni táwán porr kanag bebit, abadi adl barjam bebit, shobén o paygambari mohr janag bebant o cha sajjahénán pákterén jágah rógen per moshag bebit.

Yuhanná 7:8

Shomá é aidá berawét, man é aidá nayáyán, chéá ke mani wahd angat narasetag.”

Kásedáni Kár 1:7

Passawi dát: “Á wahd o zamánag ke Petay dastá ant o áiá wat gisshéntagant, shomárá pa áyáni zánagá káré nést.

Kásedáni Kár 7:36

Hamá at ke cha Mesrá Esráiliáni dar áyagay rahshón but. Hamáiá, Mesr o Sohrzeray tayábá o tán chell sálá gyábánán mójezah o ajabbatén nesháni pésha dásht.