Dargwaz 12:36 - Hodáay Pákén Ketáb Balochi zobáná

³⁶ Hodáwandá ham Mesriáni nezar pa Esráilián nék kortagat. Paméshká áyán harché lóthetagat, Mesrián dátagat. É paymá Mesriáni dawlatesh bort.

Dargwaz 12:36 ပူးပေါင်းရင်းမြစ်များ

Pédáesh 15:14

Bale man, á kawmá sezá dayán ke tai naslá goláma kant. Padá tai padréch gón mazanén mál o maddhiéá cha ódá dara kayt.

Pédáesh 39:21

bale Hodáwand gón áiá gón at o wati mehri pa Issopá gwárént o bandijáhay masteray deli pa Issopá narm kort.

Zabur 105:37

Wati mardomi zarr o sohrá bár kort o dhanná áwortant o cha áyáni kabilahán kassá thagal nawárt.

Dargwaz 11:2

Mahluká begwash ke harkas, har mardén o har janén wati hamsáhegay kerrá cha nograh o teláhá addh butagén sámán belóthit.”

Dargwaz 11:3

Hodáwandá Mesriáni nezar pa wati mahluká nék kort. Mussáay jend ham Mesray molká Perawnay hezmatkár o mardománi chammán sakkén mazanén mardomé but.

Dányál 1:9

Nun Hodáyá kármasteray delá pa Dányálá mehr o hamdardi pédá kort,

Kásedáni Kár 2:47

Hodáesh satá o saná kort o sajjahén mahluká á dóst atant. Hodáwand ham róch pa róch rakkéntagén mardomán géshá cha géshter kanán at.

Kásedáni Kár 7:10

cha sajjahén sakki o sórián rakkénti. Hodáyá á, haminchok láheki o zánt o zánag dát ke Mesray bádsháh, Perawnay mehr o ehtebári pa wat katthet o Perawná á wati sarjamén molk o melkatay kármaster kort.