Dargwaz 12:29 - Hodáay Pákén Ketáb Balochi zobáná

²⁹ Hamá shapay némá Hodáwandá, Mesray molká sajjahén awali mardénchokk jatant. Sháhi tahtá neshtagén Perawnay awali chokká beger tán zendáná neshtagén bandigéay awali chokk, o mál o dalwatáni sajjahén awali narén chokk, sajjahén mortant.

Dargwaz 12:29 ပူးပေါင်းရင်းမြစ်များ

Pédáesh 15:14

Bale man, á kawmá sezá dayán ke tai naslá goláma kant. Padá tai padréch gón mazanén mál o maddhiéá cha ódá dara kayt.

Zabur 105:36

Nun áyáni sajjahén awali chokki jatant áyáni mardánagiay awali bar o samar.

Zabur 135:8

Hamáiá Mesray awali chokk jatant, mardománi ham o dalwatáni ham.

Zabur 136:10

Hamá ke Mesray awali chokki jatant, mehri abadmán ent o

Zabur 78:50

Ráhi pa wati hezhmá rást o tachk kort, cha marká narakkéntanti, wabáyáni dapái dátant.

Zabur 78:51

Mesray sajjahén awali chokki jatant, Mesray gedánnendáni mardánagiay awali bar o samar.

Dargwaz 11:1

Hodáwandá gón Mussáyá gwasht: “Man Perawn o Mesray sará dega yakk kahré dawra dayán. Eshiá rand á shomárá cha edá rawagá kellit. Rawagay habará bell, shomárá sarjamiá cha edá gallénit.

Dargwaz 12:12

Man hamé shapá Mesrá gardána bán o molkay sajjahén awali mardénchokkána janán. Ensánán beger tánke dalwatáni awali chokkána janán o Mesray sajjahén hodáyán sezá dayán. Man Hodáwand án.

Dargwaz 12:28

Esráili shotant o hamá paymá ke Hodáwandá Mussá o Hárun hokm dátagatant, hamá paymá kortesh.

Dargwaz 13:15

Wahdé Perawná zedd kort o márá rawagá naesht, Hodáwandá Mesray molká sajjahén awali chokk koshtant, cha ensánay awali mardénchokkán beger tán dalwatáni awali narén chokkán, sajjahéni koshtant. Paméshká man har dalwatay awali narén chokká pa Hodáwandá korbániga kanán o wati lógay sajjahén awali mardénchokkána mókán.’

Dargwaz 4:23

Man tará gwasht ke mani chokká bell ke rawt o mani parasteshá kant. Bale taw namannet o rawagá naesht. Bechár, nun man tai chokká koshán, tai awali mardénchokká.’”

Dargwaz 9:6

Domi róchá Hodáwandá é kár kort. Mesriáni sajjahén mál o dalwat mortant, bale cha Esráiliáni mál o dalwatán yakké ham namort.