Dargwaz 12:27 - Hodáay Pákén Ketáb Balochi zobáná

²⁷ begwashét ke é pa Hodáwandá Sargwazay korbánigé, chéá ke Hodáwandá, Mesrá Esráiliáni lóg sargwaz kortant. Wahdé Hodáwandá Mesri jatant, may lógáni sará hayri kort.” Gorhá mardomán sar jahl kort o parasteshá laggetant.

Dargwaz 12:27 ပူးပေါင်းရင်းမြစ်များ

Zabur 44:1

Oo Hodá! Má wati góshán eshkotag, may pet o pirénán gwashtag ke áyáni zamánagá chónén káret kortag, gwastagén dawr o bárigán.

Zabur 78:5

Áiá gwáhié pa Ákubá esht, Sharyati pa Esráilá áwort o may pet o piréni parmán dátant ke eshán wati chokk o nomásagán sarpad bekanét,

Dargwaz 10:2

shomá gón wati chokk o nomásagán kessah bekanét ke man chón Mesri layb dáshtant o áyáni nyámá wati nesháni záher kortant, tánke shomá bezánét ke man Hodáwand án.”

Dargwaz 12:11

Chó bwaréti: watá pa sapará tayár bekanét, swásán pádá kanét o asáyá dastá kanét o eshtáp eshtápá bwarét. É Hodáwanday Sargwaz ent.

Dargwaz 12:23

Hodáwand pa Mesriáni janagá gardána bit, bale wahdé shomay chántháni saray hónána gendit, gorhá cha á darwázagá sara gwazit o tabáh kanóká shomay lógán poterag o shomay janagá naylit.

Dargwaz 12:28

Esráili shotant o hamá paymá ke Hodáwandá Mussá o Hárun hokm dátagatant, hamá paymá kortesh.

Dargwaz 13:14

Agan bándá tai chokká cha taw jost kort: ‘É kárá chéá kanagá ay?’ taw begwash: ‘Hodáwandá gón wati dastay zórá márá cha Mesrá dar kort o áwort, cha hamá molká ke ódá má golám atén.

Dargwaz 13:8

É aidá ke kanét, harkas gón wati chokká begwashit: ‘Cha Mesrá dar kapagay wahdá Hodáwandá pa man hamá kár ke kort, man hamá káray háterá é aidá kanán.’

Dargwaz 34:25

Korbánigay hóná homiri chizzéay hamráhiá pésh makan. Sargwazay Aiday korbánigá tán sabáhá ér makan.

Dargwaz 34:8

Mussáyá hamá damáná sar jahl kort o parastesh kanagá lagget.

Dargwaz 4:31

Mahluká báwar kort. Wahdé áyán eshkot ke Hodáwandá may némagá delgósh kortag o may bazzagii distag, pa adab saresh jahl kort o parastesh kanagá laggetant.