Dargwaz 10:1 - Hodáay Pákén Ketáb Balochi zobáná

¹ Hodáwandá gón Mussáyá gwasht: “Perawnay kerrá beraw. Man Perawnay del o áiay hezmatkáráni del paméshká seng kortagant ke wati é neshánián áyáni démá záher bekanán o

Dargwaz 10:1 ပူးပေါင်းရင်းမြစ်များ

Zabur 7:11

Hodá ádelén dadrasé, Hodáé ke har róch hezhma gipt.

Dargwaz 10:20

Bale Hodáwandá Perawnay del seng kort o áiá Esráili rawagá naeshtant.

Dargwaz 3:20

Man wati dastá shahára dayán o Mesrá gón wati hamá sajjahén ajabbatén kárána janán ke manesh áyáni nyámá kanán. Gorhá Perawn shomárá ráwagá kellit.

Dargwaz 4:21

Hodáwandá gón Mussáyá gwasht: “Wahdé padá Mesrá raway, bechár, hamá sajjahén mójezah ke man tai dastá dátagant, Perawnay démá á mójezahán bekan o pésh dár, bale man áiay delá senga kanán ke kawmá rawagá maylit.

Dargwaz 7:4

bale Perawn shomay habarán gósha nadárit. Man wati dastá Mesray helápá chesta kanán, Mesrián gránén sezá dayán o wati Esráili kawmá romb rombá cha Mesrá kasshán.

Dargwaz 9:12

Bale Hodáwandá Perawnay del seng kort o hamá paymá ke Hodáwandá gón Mussáyá gwashtagat, Perawná áyáni habar gósh nadáshtant.

Dargwaz 9:16

Bale tará paméshká zendagá eshton ke wati zór o wáká tará pésh bedárán o sajjahén jaháná mani námay jár janag bebit.

Dargwaz 9:27

Perawná Mussá o Hárun lótháént o gwashtant: “É bari man gonáh kortag. Hodáwand barhakk ent o man o mani mardom mayárbár én.

Yuhanná 12:40

“Áyáni chammi kór o deli seng kortagant ke gón chammán magendant, gón delán sarpad mabant o dém pa man per matarrant. Agan mani kerrá byátkénant, man dráh kortagatant.”

Pulosay kágad pa Rumián 9:17

Parchá ke Pákén Ketáb gón Perawná gwashit: “Man tará pa é maksadá mazani dátag ke cha taw wati zór o wáká pésh bedárán tánke mani nám sajjahén zeminá jár janag bebit.”

Pulosay kágad pa Rumián 9:18

Gorhá bezán, Hodá harkasay sará ke belóthit rahma kant o harkasay delá ke belóthit senga kant.