Dányál 9:17 - Hodáay Pákén Ketáb Balochi zobáná

¹⁷ Oo may Hodá! Nun wati hezmatkáray dwá o peryátá gósh dár. Pa watigi bechár o wati wayránén parasteshgáhay némagá wati démá rozhná kan, oo Hodáwand!

Dányál 9:17 ပူးပေါင်းရင်းမြစ်များ

Zabur 119:135

Wati démá wati hezmatkáray sará drapshén o wati hokmán maná sój day.

Zabur 4:6

Bázéné gwashit: “Kay ent pa má néki bekant?” Oo Hodáwand! Wati démá pa má rozhnág kan.

Zabur 67:1

Hodá may sará mehrabán bát, márá barkat bedayát o wati démá pa má drapshán kanát, ósht...,

Zabur 67:2

tánke tai ráh jaháná zánag bebit o tai dátagén rakkénag sajjahén kawmáni nyámá.

Zabur 74:3

Wati gámán dém pa wati hamé modámigén wayránagán betarrén, chiá ke dozhmená har chizz bérán kortag ke tai pákén jágahá butag.

Zabur 80:1

Oo Esráilay shopánk! Gósh dár, taw ke shopánkéay paymá Issopay ramagay rahshón ay. Oo Hodá! Taw ke karrubiáni nyámá bádsháhi tahtá neshtagay, wati nurá tálán kan.

Zabur 80:19

Oo Hodáwand, lashkaráni Hodá! Gón má wasshán bay, wati démá gón má rozhná kan ke má berakkén.

Zabur 80:3

Oo Hodá! Gón má wasshán bay wati démá gón má rozhná kan ke má berakkén.

Zabur 80:4

Oo Hodáwand! Lashkaráni Hodá! Tán kadén hezhmay ásá wati kawmay dwáyáni sará gwárána bay?

Zabur 80:7

Oo lashkaráni Hodá! Gón má wasshán bay wati démá gón má rozhná kan ke má berakkén.

Dányál 9:19

Oo Hodáwand! Gósh dár. Oo Hodáwand! Pahell kan. Oo Hodáwand! Delgósh kan o komakk kan. Oo mani Hodá! Pa watigi bechár, dér makan chéá ke tai shahr o kawm gón tai námá tawár kanaga bant.”

Yuhanná 16:24

Tán é wahdi shomá hecch chizz mani námay sará nalóthetag, belóthét tánke shomárá berasit o shomay shádmáni sarjam bebit.

Elhám 21:23

O shahrá na róch pakár ent o na máh ke áiá rozhná bekanant, chéá ke Hodáay shán o shawkat eshiá rozhná kant o Gwarándh eshiay cherág ent.