Dányál 8:12 - Hodáay Pákén Ketáb Balochi zobáná

¹² Eshiay sarkasshiay sawabá ásmáni lashkar o har róchigén korbánig eshiay dastá dayag butant. Rástii zeminá dawr dát o har chizzi ke kort, kámyáb but.

Dányál 8:12 ပူးပေါင်းရင်းမြစ်များ

Zabur 119:142

Tai adl dáemi o tai Sharyat rást ent.

Zabur 119:43

Rástén habará cha mani dapá pach mager, ke mani omét tai hokmáni sará ent.

Zabur 28:5

Paméshká ke Hodáwanday káráni parwáhá nakanant, áiay dazhonaray káráni háterá nadárant, á eshán tabáha kant o hechbar pa rost o rodómá naylit.

Dányál 11:28

Shomálay bádsháh gón mazanén mál o dawlatéá wati molká pera tarrit bale deli pákén ahd o karáray helápá bit. É wati kárá kant o molká wátarra bit.

Dányál 7:21

Man angat cháragá atán o á kánth gón pákén mardomán jangá at o áyán chérdast kanagá at,

Dányál 8:4

Man dist ke é gwarándh rónendi, góricháni o zerbári némagá kánth janán ent o hecch jánwar áiay démá óshtáta nakant o kassá é twán nést ke cha áiay zórá yakkéá rakként bekant. Áiá har chizz wati delay tabá kort o maz‌anshán but.

Elhám 13:7

Áiá ejázat dayag but ke Hodáay palgártagén mardománi helápá jang o jadal chest bekant o áyán prósh bedant. Áiá har kabilah, kawm, zobán o rájay sará ehtiár dayag but.