Dányál 6:26 - Hodáay Pákén Ketáb Balochi zobáná

²⁶ Man jára janán ke mani bádsháhiay har kondhay mardom, cha Dányálay Hodáay torsá belarzant o hamáiá sharap bedayant. Chéá ke hamá zendagén Hodá ent o modáma mánit. Áiay bádsháhi hechbar tabáh o barbáda nabit o áiay hokmráni hechbar halása nabit.

Dányál 6:26 ပူးပေါင်းရင်းမြစ်များ

Zabur 119:120

Mani jánay gósht cha tai torsá larzit o maná cha tai rahbandána torsit.

Zabur 146:10

Hodáwand tán abad bádsháhia kant, tai Hodá, oo Sahyun, nasláni nasl. Hodáwandá benázénét, Halléluyá.

Zabur 2:11

Pa tors, Hodáwanday hezmatá bekanét o pa drahag pádáni kapét.

Zabur 29:10

Hodáwand hár o tuppánay sarborá, wati tahtay sará neshtag, Hodáwand tán abad wati bádsháhi tahtay sará neshtag.

Zabur 42:2

Mani arwáh pa Hodáyá tonnig ent, pa zend bakshókén Hodáyá, ke bárén kadi Hodáay bárgáhá rawán o áiay démá záhera bán?

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 3:29

Paméshká man hokma dayán ke harkas bebit, cha har kawm, ráj o zobáná ke Shadrak, Mishak o Abednegóay Hodáay bárawá harábén habaré bekant, á thokkor thokkor kanaga bit o áiay lóg barbád kanag o hákóthé jórh kanaga bit. Chéá ke dega hecch hodáé nést ke chosh rakként bekant.”

Dányál 4:3

Áiay nesháni zabardast ant o mójezah, porzór. Áiay bádsháhi tán abad hastent o hokmránii nasláni nasl barjáh.

Dányál 4:34

“Bale á rócháni halásiá, mane Nebukadnezará wati chamm ásmánay némagá chest kortant o mani hósh átk. Nun man borzén arshay Hodáay satá o saná kort, hamá Hodá ke tán abada mánit, man shán o ezzat dát. Chéá ke áiay hokmráni abadmánén hokmránié o áiay bádsháhi tán nasláni nasl barjáha mánit.

Dányál 6:20

Wahdé gáray nazzikká raset, gón dardnákén tawáréá kukkári kort o gón Dányálá gwashti: “Oo Dányál! Oo zendagén Hodáay hezmatkár! Bárén tará tai hamá Hodáyá cha shérán rakként kort ke taw modám áiay hezmatá kanay?”

Dányál 7:14

Hákemi, shán o bádsháhi hameshiá dayag but ke sajjahén kawm o ráj o har zobánay mardom eshiay hezmatá bekanant. Eshiay hokmráni abadmánén hokmránié ke hechbar halása nabit o eshiay bádsháhi hechbar zawála nabit.

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Mattá 6:13

Márá ázmáesh o chakkásá dawr maday o cha Shaytáná berakkén.’

Luká 1:33

Á, Ákubay padréchay sará modám bádsháhia kant o áiay bádsháhi hechbara nakotthit.”

Luká 12:5

Man shomárá kaddhana kanán o gwashán ke cha kayá betorsét. Cha hamáiá betorsét ke koshta kant o koshagá rand dózahá dawr dayagay wáki ham hast. Haw! Man shomárá gwashán ke cha hamáiá betorsét.

Kásedáni Kár 17:25

Á pa Ensánay hecch chizzá wázmand naent o hechkas pa áiá hezmaté korta nakant, chéá ke á wat harkasá zend o sáha bakshit o ensánay é dega lóth o garazán ham sarjama kant.

Pulosay kágad pa Rumián 9:26

Anchosh ham: “Hamá jágahá ke gón áyán gwashag but: ‘Shomá mani kawm naét,’ ódá á, zendagén Hodáay chokk gwashaga bant.”

Pa Tesálunikián Pulosay awali kágad 1:9

Chéá ke shomá márá chón wasshátk kort, mardom wat é kessahá kanant, o é gappá ham kanant ke shomá chón botparasti yalah dát o dém pa Hodáyá átkét ke namirán o rástén Hodáay parastesh o hezmatá bekanét o

Ákub 1:17

Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 4:10

gorhá bist o chárén kamásh tahtay sará neshtagénay démá kapant o hamáiá názénant ke abad tán abad zendag ent, wati táján tahtay démá éra kanant o gwashant:

Elhám 5:14

Chárén sahdárán “ámin” gwasht, kamásh dém pa chér kaptant o Hodá o Gwarándhesh názént.