Dányál 6:22 - Hodáay Pákén Ketáb Balochi zobáná

²² Mani Hodáyá wati préshtagé ráh dát ke shéráni dapi bast. Shérán maná hecch táwán nadát. Oo bádsháh! Haminchok ke man Hodáay démá bégonáh án haminchok tai démá ham man hecch radén káré nakortag.”

Dányál 6:22 ပူးပေါင်းရင်းမြစ်များ

Pédáesh 40:15

Man cha Ebrániáni molká dozzag o edá árag butagán o edá ham man choshén káré nakortag ke é syahchátá dawr dayag bebán.”

Zabur 118:28

Taw mani Hodá ay, tai shográ gerán. Taw mani Hodá ay, tará názénán.

Zabur 26:6

Oo Hodáwand! Wati dastán bégonáhiay tahá shódán o tai korbánjáhay sará chahra warán,

Zabur 31:14

Bale oo Hodáwand! Man tai sará tawkala kanán o gwashán ke “taw mani Hodá ay.”

Zabur 34:7

Hodáwanday préshtag Hodátorsáni chapp o chágerdá pallé bandit o áyán nejáta dant.

Zabur 38:21

Oo Hodáwand! Maná yalah makan. Oo mani Hodá! Cha man dur mabay.

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Dányál 3:28

Nebukadnezará gwasht: “Shadrak, Mishak o Abednegóay Hodáyá satá o saná bát ke áiá wati préshtagé dém dátag o wati hezmatkár rakkéntagant. Eshán wati Hodáay sará báwar o bésah at o mani hokmesh namannet. Cha wati zendá sar gwastant, bale wati jenday Hodáyá abéd, dega hodáay hezmat o sojdahá razá nabutant.

Dányál 6:20

Wahdé gáray nazzikká raset, gón dardnákén tawáréá kukkári kort o gón Dányálá gwashti: “Oo Dányál! Oo zendagén Hodáay hezmatkár! Bárén tará tai hamá Hodáyá cha shérán rakként kort ke taw modám áiay hezmatá kanay?”

Dányál 6:23

Nun bádsháh sakk gal but o hokmi dát ke Dányál cha gárá dar kanag bebit. Gorhá Dányál cha gárá dar kanag but. Thappé ham peri néstat chéá ke áiá wati Hodáay sará tawkal kortagat.

Dányál 6:4

Gorhá é dega sarwazir o wáli Dányálay hokumati káráni tahá radi shóház kanagá laggetant, bale áyán pa Dányálay ér janag o mayárig kanagá hecch nimmóné dast nakapt. Á, wapádáré at, cha wati kárán nádelgósh naat o na ke selkárié korti.

Dányál 6:7

Oo bádsháh! Tai sajjahén sarwazir, hákem, wáli, saláhkár o sardárán watmánwatá shawr kortag ke taw yakk sháhi hokmé bedayay ke harkas tán áyókén si róchá tará abéd, dega hodá yá dega mardoméay kerrá dwá belóthit, shéráni gárá dawr dayaga bit.

Mattá 27:46

Bégáhay sáhat sayá, Issáyá chihál jat: “Eli, Eli, lemá sabakktani?” Bezán: Oo mani Hodá, oo mani Hodá! Taw chéá maná tahná esht?

Kásedáni Kár 12:11

Wahdé Petrosá hósh kort, gwashti: “Nun man pa dela zánán ke Hodáwandá wati préshtag ráh dátag o maná cha Hirudisay dastá o cha hamá bad o baláhán rakkéntag ke Yahudi áyáni wadárig o rahchár atant.”

Kásedáni Kár 24:16

Paméshká, modám johda kanán ke gón Hodá o sajjahén mardomán mani jabin o wejdán pák o palgár bebit.

Kásedáni Kár 27:23

É habará, man paméshká zánán ke dóshi cha hamá Hodáay némagá ke man áiayg án o áiay hezmatkár án, préshtagé átk, mani kashá óshtát o

Pa Timutáusá Pulosay domi kágad 4:17

Bale Hodáwand mani kashá óshtát o maná zór o wáki dát, tánke man sarjamiá paygámay járá bejanán o sajjahén darkawm beshkonant. É paymá man cha shéray dapá rakketán.