Dányál 5:11 - Hodáay Pákén Ketáb Balochi zobáná

¹¹ Tai bádsháhiá mardé hast ke áiá pákén hodáyáni ruh mán ent o tai pirokay dawrá gendag butag ke áiá báteni rozhnái, sarpadi o hekmat o hodáyáni dhawlén dánáié gón. Tai bádsháhén pirok, Nebukadnezará é mard jáduger, sáher, nojumi o estárzántáni master kortagat,

Dányál 5:11 ပူးပေါင်းရင်းမြစ်များ

Pédáesh 41:38

Perawná gón wati hezmatkárán gwasht: “Dega choshén mardomé dara kapit ke é marday paymá Hodáay Ruh áiá mán bebit?”

Dányál 1:4

anchén warná ke hecch paymén badani aybesh mán mabit o rangá dhawldár bebant, har dhawlén hekmatá balad bayagay láhek, zántkár o zut‌pahm bebant o bádsháhay bárgáhá óshtagá bekarzant. Padá é warnáyán Bábelay Aramái zobán o labzánká bwánén.

Dányál 2:11

É kárá ke tawe bádsháh lóthagá ay, sakk grán ent. Cha hodáyán abéd, é habará kass bádsháhá gwashta nakant, o hodá wa ensánáni nyámá naneshtagant.”

Dányál 2:22

hamá ent ke chér o andémén rázán paddara kant, hamá ent ke zánt taháriá ché hast o rozhnái hamáiay hamráh ent.

Dányál 4:18

É hamá wáb ent ke mane bádsháh Nebukadnezará distag. Oo Beltesházar! Nun taw eshiá máná kan, parchá ke mani bádsháhiay hecch dáná eshiá máná korta nakant, bale taw kortia kanay chéá ke tará pákén hodáyáni ruh mán ent.”

Dányál 4:5

Man wábé dist o torséá maná mán patát. Gandaláni sará, mani hayál o shobénán maná torsént.

Dányál 4:6

Gorhá man hokm dát ke Bábelay sajjahén dáná árag bebant tánke mani wábá máná bekanant.

Dányál 5:14

Man annun sahig butagán ke tará hodáyáni ruhé mán ent o tará báteni rozhnái, sarpadi o ajabén hekmaté hast.

Dányál 5:7

Bádsháhá kukkár kort o hokm dát ke sáher, nojumi o estárzántán byárét. Gón Bábelay dánáyán gwashti: “Hamá kas ke é nebeshtahá bwánit o máná bekant, á jamurangén god o teláhén háré gwará dayaga bit o bádsháhiay sayomi hokmrán kanaga bit.”

Kásedáni Kár 12:22

Wahdé áiay habar halás butant, mardomán kukkár kanáná gwasht: “É ensáni tawáré naent, Hodái tawáré.”

Kásedáni Kár 14:11

Wahdé mardomán Pulosay é kár dist, Likáuniahay gálwárá gwashtesh: “É hodá ant ke baniádamay shekl o dróshomá pa má ér átkagant.”

Kásedáni Kár 16:16

Yakk róché má zegr o dwáay jágahá rawagá atén, móledé distén. Móledá jenné per at ke cha áiay zórá gaybguia kort o cha eshiá pa wati hodábondán bázén zarr o mália katthet.

Elhám 3:9

Bechár, man cha Shaytánay kanisahay mardomán lahtén tará dayán, cha hamáyán ke watá Yahudia gwashant bale Yahudi naant o dróga bandant. Bechár, man áyána parmáyán, á káyant, tai pádáni démá kapant o sarpada bant ke man tará dóst dáshtag.