Dányál 3:28 - Hodáay Pákén Ketáb Balochi zobáná

²⁸ Nebukadnezará gwasht: “Shadrak, Mishak o Abednegóay Hodáyá satá o saná bát ke áiá wati préshtagé dém dátag o wati hezmatkár rakkéntagant. Eshán wati Hodáay sará báwar o bésah at o mani hokmesh namannet. Cha wati zendá sar gwastant, bale wati jenday Hodáyá abéd, dega hodáay hezmat o sojdahá razá nabutant.

Dányál 3:28 ပူးပေါင်းရင်းမြစ်များ

Pédáesh 9:26

Nuhá gwasht: “Hodáwandá satá bát, Sámay Hodáyá. Kanhán, Sámay golám bát.

Zabur 103:20

Oo Hodáwanday préshtagán! Shomá, oo zóráwarán ke áiay habarán barjáha dárét o áiay parmánbardáriá kanét! Hodáwandá benázénét.

Zabur 147:11

Hodáwand hamáyáni sará wassha bit ke cha áiá torsant o sajjahén óst o ométesh gón áiay mehrá ent.

Zabur 33:18

Haw! Hodáwanday chamm gón hamáyán ent ke cha áiá torsant, gón hamáyán ke óst o ométesh áiay mehr ent,

Zabur 33:21

May del áiay bárgáhá shádmánia kant, chiá ke may tawkal hamáiay pákén námay sará ent.

Zabur 34:22

Hodáwand wati hezmatkáráni zendá rakkénit, harkas ke áiay báhótha bit, mayárbára nabit.

Zabur 62:8

Oo mardomán! Hodáay sará tawkal kanét o delay hálán hamáiay démá darshán kanét, Hodá may panáhgáh ent. Ósht...

Dargwaz 20:5

Esháni démá sará jahl makan o sojdahesh makan. Chéá ke man tai Hodáwandén Hodá hasaddigén Hodáé án. Petáni radkáriáni sezáyá áyáni chokkána dayán. Á ke cha man naprata kanant, áyáni radkáriáni sezáyá áyáni sayomi o cháromi nasl o padréchá dayán.

Dányál 2:47

Bádsháhá gón Dányálá gwasht: “Béshak tai Hodá, hodáyáni Hodá ent o bádsháháni Hodáwand ent o rázáni paddar kanók, chéá ke taw é ráz paddar kort kortag.”

Dányál 3:25

Áiá darráént: “Bechárét, man ásay tahá chár mardom gardagá gendagá án. Dast o pádesh pach ant o salámat ant. Cháromi purah Hodái chokké.”

Dányál 4:34

“Bale á rócháni halásiá, mane Nebukadnezará wati chamm ásmánay némagá chest kortant o mani hósh átk. Nun man borzén arshay Hodáay satá o saná kort, hamá Hodá ke tán abada mánit, man shán o ezzat dát. Chéá ke áiay hokmráni abadmánén hokmránié o áiay bádsháhi tán nasláni nasl barjáha mánit.

Dányál 6:16

Gorhá bádsháhá hokm dát o Dányál árag o shéráni gárá dawr dayag but. Bádsháhá gón Dányálá gwasht: “Tai hamá Hodá wat tará berakkénát ke taw modám áiay hezmatá kanay.”

Dányál 6:26

Man jára janán ke mani bádsháhiay har kondhay mardom, cha Dányálay Hodáay torsá belarzant o hamáiá sharap bedayant. Chéá ke hamá zendagén Hodá ent o modáma mánit. Áiay bádsháhi hechbar tabáh o barbáda nabit o áiay hokmráni hechbar halása nabit.

Mattá 4:10

Gorhá Issáyá gwasht: “Oo Shaytán! Cha mani démá gom bay! Pákén Ketábá nebisag butag: Wati Hodáwandén Hodáyá parastesh bekan o tahná hamáiay hezmatá bekan.”

Kásedáni Kár 4:19

Áyán passaw dát: “Wat shawr bekanét, shomay habaray zurag sharter ent yá Hodáay?

Kásedáni Kár 5:19

Bale shapá yakk wahdé, Hodáwanday préshtagéá bandijáhay darwázag pach kortant o á cha jélá dar áwortant o gwashti:

Pulosay kágad pa Rumián 12:1

Oo brátán! Mani dazbandi gón shomá esh ent ke gón Hodáay rahmatáni cháragá, wati jesm o jáná chó zendagén korbánigéá pésh bekanét ke pák o palgár ent o Hodáyá pasonda bit. É shomay ruhánién parastesh ent.

Pa Pilipián Pulosay kágad 1:20

Man gón mazanén deljamié ométa kanán ke hecch paymá pashal o sharmendag kanag mabán o nun ham modámigén dhawlá delér bebán o mani jesm o jánay tahá Masihá shán o shawkat berasit, toré zendag bemánán yá bemerán.

Petrosay Awal Kágad 1:21

Cha áiay wasilahá, shomárá Hodáay sará báwar hast, hamá Hodáay sará ke Masihi cha mordagán zendag kort o shán o shawkati dát. Paméshká, shomá Hodáay sará báwara kanét o cha hamáiá ométwár ét.

Elhám 12:11

May brát, Gwarándhay hón o wati sháhediay labzay sawabá, bohtám janókay sará báládast butagant. Markay démá áyán wati sáhay hecch parwáh nakortag.