Dányál 12:13 - Hodáay Pákén Ketáb Balochi zobáná

¹³ Bale taw wati ráhá beraw tán halásiay wahd byayt. Taw áráma kanay o padá, halásiay wahdá pa wati ásar o ákebatá jáha janay.”

Dányál 12:13 ပူးပေါင်းရင်းမြစ်များ

Zabur 1:5

Gorhá bezán ke badkárán, pa dádrasiá óshtagay wák o twán nést o gonahkár pahrézkáráni diwáná hór buta nakanant.

Zabur 16:5

Oo Hodáwand! Taw mani gisshetagén bahrwandh o jám ay, taw mani bahrá sharriay sará dáray.

Zabur 16:9

Paméshká, delon wassh o zobán shádán ent. Jesm o jánon mán ométay kalátá áráma gipt.

Dargwaz 33:14

Hodáwandá gwasht: “Man wat tai hamráha bán o tará árámi o ásudagia bakshán.”

Dányál 12:3

Hamá ke dáná ant, chó ásmánay kobbahay rozhnáiá drapshant o hamá ke bázénéá pahrézkáriay némagá kárant, abad tán abad chó estárán rozhná bant.

Dányál 12:4

Bale taw, oo Dányál, é habarán rázé bedár o ketábá tán halásiay wahday áyagá mohr bejan. Bázéné edá o ódá rawt o zánag cha géshá géshtera bit.”

Mattá 19:28

Issáyá gón áyán gwasht: “Shomárá rásténa gwashán, hamá nókén donyáyá wahdé Ensánay Chokk wati shán o shawkatay tahtay sará nendit, shomá ke mani hamráh ét, dwázdah tahtay sará nendét o Bani Esráilay dwázdahén kabilaháni dádrasiá kanét.

Luká 21:36

Paméshká harwahd hozzhár bét o dwá bekanét, tán shomárá á róchá ke chosha bit o é jáwar pa sara rasant dar rawagay wák bebit o Ensánay Chokkay bárgáhá óshtát bekanét.”

Pa Tesálunikián Pulosay domi kágad 1:7

shomá ke janjáláni ámách ét, shomárá áráma dant o márá ham. É kár hamá wahdá bit ke Hodáwandén Issá gón wati zórmandén préshtagán cha ásmáná gón jamburén áséá watá záhera kant o

Elhám 14:13

Gorhá man cha ásmáná tawáré eshkot, gwashagá at: “Nebeshtah kan: Mordag bahtáwar ant, hamá ke cha ed o rand Hodáwanday ráhá merant.” Pákén Ruh ham gwashit: “Haw, áyáni zahmatkasshia hallant o á áráma gerant, chéá ke áyáni kortagén kár áyáni hamráh ant.”