Ákub 5:16 - Hodáay Pákén Ketáb Balochi zobáná

¹⁶ Paméshká, wati gonáhán, yakdomiay démá bemannét o pa yakdomiá dwá belóthét tán dráh kanag bebét. Pahrézkárén mardoméay dwáyá zór mán o barjáha bit.

Ákub 5:16 ပူးပေါင်းရင်းမြစ်များ

Pédáesh 19:29

Hodáyá ke dashtay shahr sar o chér kortant, Ebráhémay tránagá kapt. Hamá shahrán ke Lut jahmenend butagat, áyáni tabáh kanagay wahdá Hodáyá Lut cha ódá dar kort.

Pédáesh 20:17

Gorhá Ebráhémá Hodáay kerrá dwá kort o Hodáyá Abimalek, áiay lógi o áiay móled dráh kortant ke padá chokk áwort bekanant,

Pédáesh 20:7

Nun é marday janá beday. É mard nabié. Pa taw dwá kant o taw zendaga mánay. Bale agan é marday janá madayay, deljam bay ke tai jend o tai sajjahén mardom allamá merant.”

Pédáesh 32:28

Mardá gwasht: “Cha ed o rand taw Ákub gwashaga nabay, tai nám Esráila bit, chéá ke taw gón Hodáyá o gón mardomán merhetagay o sardast butagay.”

Zabur 34:15

Hodáwanday chamm gón pahrézkárán ent o góshi ham pa áyáni peryátán pach.

Dargwaz 17:11

Har wahdá ke Mussáyá dast chesta kortant, Esráili báládasta butant o har wahdá ke wati dasti jahla kortant, Amáliki báládasta butant.

Dargwaz 9:33

Mussá cha Perawnay kerrá shot o cha shahrá ke dar átk, dasti Hodáwanday némagá chest kortant. Grand o tróngal óshtátant o hawrá gwárag bass kort.

Mattá 21:22

Agan shomá báwar kanét, harché ke wati dwáyáni tahá lóthét, shomárá dayaga bit.”

Mattá 3:6

Wati gonáháni pashómániesh záher kort o Yahyáyá Ordonay kawrá pákshódi dátant.

Markás 1:5

Mardom, cha Yahudiahay sajjahén métag o kallagán o cha Urshalimay shahrá áiay kerrá shotant. Wati gonáhesh mannetant o Yahyáyá Ordonay kawrá pákshódia dátant.

Luká 9:6

Gorhá Issáay morid dar kapt o métag pa métag har jáh, wasshén mestágesh pa mardomána rasént o nádráhén mardomesh dráha kortant.

Yuhanná 9:31

Máshomá zánén ke Hodá gonahkáráni dwáyá gósha nadárit, hamáiay dwáyá gósha dárit ke Hodátorsé o Hodáay wáhagáni sará kára kant.

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Kásedáni Kár 19:18

Bázéné ke báwarmand but, mardománi démá wati pésarigén sellén káresh mannetant.

Kásedáni Kár 8:24

Shamuná passaw dát: “Shomá cha Hodáwandá pa man dwá belóthét, tán hamá chizz ke shomá gwashtant, yakké ham mani sará makapit.”

Pulosay kágad pa Rumián 3:10

Anchosh ke nebeshtah ent: “Kass pahrézkár naent, hechkas.

Pulosay kágad pa Rumián 5:19

Hamá paymá ke cha yakkéay náparmániá bázén mardomé gonahkár kanag but, cha yakkéay parmánbardáriá bázéné pák o palgár ham kanaga bit.

Pa Tesálunikián Pulosay awali kágad 5:17

Har wahdá dwá bekanét.

Pa Tesálunikián Pulosay awali kágad 5:23

Hodáay jend, émeniay Hodá shomárá sarjamiá pák o palgár bekanát. Tán may Hodáwandén Issá Masihay wátarr bayagá shomay arwáh o sáh o badan sarjamiá béayb bemánátant.

Pa Tesálunikián Pulosay awali kágad 5:25

Brátán! Pa má dwá kanét.

Petrosay Awal Kágad 2:24

Áiá wat may gonáháni bár salibay sará wati baddhá laddhet, tánke gonáh cha may delá bemerit o pa néki o páki zend begwázénén, ke shomá cha hamáiay thapp o thórán dráh butagét.

Yuhannáay Awali Kágad 3:22

Á wahdi harché cha áiá belóthén márá rasit, chéá ke áiay hokm o parmánána zurén o pa hamáiay washnódiá kára kanén.