Ákub 5:11 - Hodáay Pákén Ketáb Balochi zobáná

¹¹ Má hamáyán bahtáwara zánén ke wati zendesh pa sabr o ópár gwázéntag, shomá Ayyubay sabr o tahambolay bárawá eshkotag o zánét ke Hodáwandá áiay ásar o ákebat ché kort. Chéá ke Hodáwand wat gamwár o mehrabán ent.

Ákub 5:11 ပူးပေါင်းရင်းမြစ်များ

Zabur 103:13

Hamá dábá ke peté pa wati chokkán mehrabán ent, hamé paymá Hodáwand pa hamá mardomán mehrabán ent ke áiay torsesh delá ent.

Zabur 103:8

Hodáwand rahm kanók o mehrbán ent, hezhm geragá déra kant o mehrá sarréch ent.

Zabur 116:5

Hodáwand mehrabán o ádel ent, may Hodá, cha mehr o rahmá sarréch.

Zabur 119:132

Démá gón man tarrén o mani sará rahm kan, anchosh ke taw modám gón wati námay dóst dárókána kanay.

Zabur 145:8

Hodáwand mehrabán o rahm kanók ent, hezhm geragá déra kant o mehri báz ent.

Zabur 37:37

Béaybén mardá begend o nékdelá bechár, chiá ke sohl o émeniay shóház kanóká ákebaté hast,

Zabur 51:1

Oo Hodá! Pa wati mehrá bechár o mani sará rahm kan! Cha wati békesásén rahmatán náparmániánon gár kan.

Zabur 78:38

Bale á angat mehrabán at o áyáni gonáhi bakshetant o sajjahéni nakoshtant. Rand pa randá wati hezhmia dásht o wati sajjahén gazabi darshána nakort.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Zabur 94:12

Oo Hodáwand! Bahtáwar ent hamá ke taw áiá adaba kanay, hamá ke taw gón wati Sharyatá áiá tálima dayay.

Dargwaz 34:6

Hodáwand jár janáná Mussáay démá gwast: “Hodáwand án, Hodáwand, rahmán o mehrabánén Hodá man án. Gazabay áragá déra kanán o cha mehr o wapáyá porr án.

Dányál 9:9

Rahmat o pahelli gón may Hodáwandén Hodáyá ent bell toré má cha áiá yági butagén.

Mattá 10:22

Sajjahén mardom, pa mani námay sawabá cha shomá naprata kanant. Bale hamá ke tán áherá sakkiána saggit, á rakkit.

Luká 1:50

Áiay mehr o rahmat, hamá sajjahénáni posht dar poshtá mánit ke áiay torsesh delá hastent.

Luká 11:10

Chéá ke harkas belóthit, áiá rasit. Harkas shóház bekant, dara géjit. Harkas darwázagá bethokkit, pa áiá pacha bit.

Luká 6:36

Hamá dhawlá ke shomay ásmáni Pet rahmdel ent, shomá ham rahmdel bebét.

Pulosay kágad pa Rumián 2:4

Yá ke áiay mehrabáni o sabr o tahambolay ganjá béarzesha zánay o é chizzá sarpada nabay ke Hodáay mehrabániay maksad hamesh ent ke tará dém pa tawbah kanagá bebárt?

Ákub 1:12

Bahtáwar hamá ent ke wati ázmáesh o chakkásán mohra óshtit. Parchá ke wahdé á cha chakkásán sarbolanda bit, zendmánay hamá táj áiá rasit ke Hodáyá pa wati dóst dárókán wádah kortag.

Ákub 1:2

Oo brátán! Wahdé warh warhén chakkás o ázmáeshána kapét, é chizzá sarréchén shádehié bezánét.

Petrosay Awal Kágad 1:13

Wati lánká bebandét o hozzhár bebét. Zendá pa shehm o rahdári begwázénét. Wati ométá pa Hodáay hamá rahmatán bebandét ke Issá Masih wati záher bayagay wahdá pa shomá rasénitesh.

Petrosay Awal Kágad 3:14

Agan pa shomay nékén kárán shomárá ázár berasit, angat ham shomá bahtáwar ét. Cha áyáni pádtrápán matorsét o paréshán mabét.

Petrosay Domi Kágad 2:9

Gorhá hamé paymá Hodáwanda zánt ke wati pahrézkárén mardomán chón cha chakkásán berakkénit o badkárán sezá bedant tán hamá wahdá ke dádrasiay róch berasit.