Pa Timutáusá Pulosay domi kágad 3:11 - Hodáay Pákén Ketáb Balochi zobáná

¹¹ hamá ázár o sakki o sóriáni bárawá ham zánay ke Antákiah o Ekóniah o Lestrahay shahrán mani sará kaptant. Man é ázár saggetant o Hodáwandá maná cha é sajjahénán neját dát.

Pa Timutáusá Pulosay domi kágad 3:11 ပူးပေါင်းရင်းမြစ်များ

Pédáesh 48:16

hamá préshtag ke maná cha har táwáná rakkéntagi, é chokkán barkat bedayát. É mani námay sará o mani pet o pirokay námay sará bezán Ebráhém o Esákay námá zánag bátant o zeminay sará sakk báz bátant.”

Zabur 34:19

Pahrézkárá bázén sakki o sória rasit, bale Hodáwand áiá cha sajjahén sakkiána rakkénit.

Zabur 37:40

Hodáwand áyán madata dant o rakkénit, cha badkáráni dastá rakkénit o nejáta dant, chiá ke áiay mayár o báhóth ant.

Zabur 91:14

Hodáwanda gwashit: “Á ke maná dósta dárit áiá nejáta dayán o hamáiay posht o panáha bán ke mani námá zánt.

Dányál 6:27

Hamá nejáta dant o rakkénit, ásmán o zeminay sará ajabbatén nesháni o mójezah pésha dárit. Hamáiá Dányál cha shéráni dapá rakkéntag.”

Kásedáni Kár 13:14

Bale Bárnábá o Pulos, cha Pergahay shahrá démá rawán, Pisidiahay damagá, Antákiahay shahrá sar butant. Shabbatay róchá, Yahudiáni kanisahá shotant.

Kásedáni Kár 13:45

Wahdé Yahudián mardománi bázén mocchi dist, cha kast o konnatá zahr geptant, Pulosesh béezzat kort o áiay habaráni démá óshtátant.

Kásedáni Kár 14:8

Lestrahá, yakk mardé hastat ke pédáeshi langé at o hechbar gámi jat nakortagat.

Kásedáni Kár 20:19

Man ars réchán o pa békebri o darbéshi Hodáwanday hezmatkári kortag o Yahudiáni pandaláni sawabá bázén sakki o sóri saggetag.

Kásedáni Kár 23:10

Wahdé áyáni nyámá arh o janjál géshter but, lashkaray masterá torset, chó mabit Pulosá bejanant o chondh chondh bekanant, paméshká sepáhigi parmán dátant ke jahlád berawant, Pulosá cha áyáni nyámá pa zór dar bekanant o kalátá bebarant.

Kásedáni Kár 26:17

Tará cha tai jenday kawmá o cha darkawmán, ke áyáni kerrá tará rawána dayán, rakkénán.

Kásedáni Kár 26:22

Bale Hodáyá maná tán maróchigá komakk kortag o nun edá óshtátagán o mazan o kasán, sajjahénáni démá gwáhia dayán. É habarán ke man kanagá án, cha Mussá o é dega nabiáni péshgóián dhann naant,

Kásedáni Kár 9:16

Man áiá sahiga kanán ke pa mani námá áiá chinchok ázár saggagi ent.”

Pulosay kágad pa Rumián 15:31

Dwá kanét ke cha Yahudiahay nábáwaráni dastá berakkán o Urshalimay shahrá, palgártagén mardom mani hezmatá bemannant,

Pa Timutáusá Pulosay domi kágad 4:7

Man wati nékén johd kortag, man wati zenday tách o maydán sarjam kortag o wati imánay sará óshtátagán.

Petrosay Domi Kágad 2:9

Gorhá hamé paymá Hodáwanda zánt ke wati pahrézkárén mardomán chón cha chakkásán berakkénit o badkárán sezá bedant tán hamá wahdá ke dádrasiay róch berasit.