Pa Timutáusá Pulosay awali kágad 3:8 - Hodáay Pákén Ketáb Balochi zobáná

⁸ Hamé paymá báyad ent kelisáay hezmatkár ham ezzatmandén mardom bebant, tachk o rást bebant, sharábi mabant o pa zarr o málá lálech o tamáh makanant.

Pa Timutáusá Pulosay awali kágad 3:8 ပူးပေါင်းရင်းမြစ်များ

Zabur 12:2

Harkas gón hamsáhegá dróga bandit, cháplusén dapesh pa préb habara kanant.

Zabur 5:9

Chiá ke rásti áyáni zobáná nést o del o darunesh tabáhi ent o bass. Gotth o galuesh práhén kabré o wati zobáná pa cháplusi kára bandant.

Zabur 50:19

Dapay lagámá pa badiá yalaha kanay o zobáná pa prébá.

Zabur 52:2

Oo prébkár! Tai zobán, tabáhi o barbádiay pandalána sázit, almásén tégéay paymá.

Pulosay kágad pa Rumián 3:13

Gotth o galuesh práhén kabré, zobáná pa makr o prébá kára bandant, garrmáray zahresh lontháni chérá ent o

Pa Pilipián Pulosay kágad 1:1

Cha Issá Masihay hezmatkár Pulos o Timutáusay némagá, pa Issá Masihay hamá sajjahén palgártagén mardomán ke Pilipiá ant, gón kelisáay sarparast o hezmatkárán hawár.

Pa Timutáusá Pulosay awali kágad 3:12

Hezmatkár ham gón wati janá wapádár bebit o wati lógay mardománi rahshóniá sharriay sará bekant.

Pa Timutáusá Pulosay awali kágad 3:2

Báyad ent kelisáay kamásh anchéné bebit ke áiá mardománi malámat per mabit. Gón wati janá wapádár bebit, grán o sanginén mardomé bebit o watá dásht bekant, marháhdár o mehmánnawáz bebit o sharriá tálim dát bekant,

Pa Timutáusá Pulosay awali kágad 3:3

sharábié mabit, sheddatién mardomé mabit, narmtabé bebit, jangólé mabit, zardósté mabit.

Pa Timutáusá Pulosay awali kágad 5:23

Taw áp waragá ay o bass. Nun pa wati láp o hamá nádráhián ke tará géshter wahdá hastant, kammé sharáb ham bwar.

Pa Titusá Pulosay kágad 1:7

Kelisáay kamáshá Hodáay lógay zemmah gón ent, paméshká báyad ent áiá mardománi malámat per mabit, gorunák mabit, damáná zahr magipt, sharábié mabit, sheddatién mardomé mabit o pa zarr o málá lálech o tamáh makant.

Pa Titusá Pulosay kágad 2:3

Hamé dhawlá mazanomrén janénán tálim beday ke sharapdárén zendé begwázénant, báposhtá habar makanant o sharábi mabant. Á báyad ent sharrén kár o kerday dars o sabakká bedayant.

Ákub 3:10

Cha yakkén dapá satá o saná ham dara kayt o baddwái o nálat ham. Oo brátán! Nabáyad ent chosh bebit.

Petrosay Awal Kágad 5:2

Hodáay ramagay shepánki o cháragá bekanét ke shomay sepordah kanag butag. É kárá pa nádelkasshi makanét, pa del o setk bekanéti hamá dhawlá ke Hodá lóthit. Gón hobb o hodónáki bekanéti, pa wati jenday nap o suttá makanéti.