Zekariah 9:8 - Hawaii Pidgin Bible

⁸ But I goin guard my Temple Agains da army guys dat come by dea. I no goin eva let anodda army give my peopo hard time, Cuz I da one stay watch fo take kea dem.”

Zekariah 9:8 ပူးပေါင်းရင်းမြစ်များ

2 Samuel 16:12

Maybe Da One In Charge goin see dat I stay suffa plenny awready, an dat goin do good fo me, fo pay me back wit someting good afta dis guy put kahuna on top me today.”

2 Kings 19:34

“An he tell dis too: “ ‘I goin fight fo dis big town, An get da peopo dea outa trouble Cuz a who me, an fo David my worka guy.’ ”

2 Kings 23:29

Anodda ting happen wen Josiah stay da king. Pharaoh Neko da Egypt king take his army guys by da Eufrates Riva fo help da Assyria king. So King Josiah an his army guys go out fo fight him. But wen Pharaoh Neko an Josiah fight Megiddo side, he kill Josiah.

2 Kings 24:1

Da time Jehoiakim stay king, Nebukadnezzar da Babylon king attack da Judah land. He take ova da land, an from den, Jehoiakim gotta do wateva Nebukadnezzar tell um fo do. But afta three year, Jehoiakim change his mind, an go fight Nebukadnezzar.

Songs 34:7

You know wat? Da One In Charge, He sen his angel guy Fo stay all aroun da peopo Dat stay sked a him An get respeck fo him. Da angel guy get um outa trouble!

Songs 72:4

Wen da king judge his peopo, I like fo him make shua Fo help da pooa ting guys. An fo da ohanas dat need plenny, I like fo da king get um outa trouble An poun da ones Dat like take away dea rights.

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

Outa Egypt 3:9

“Now, cuz da Israel peopo stay yell to me fo help um, I stay lissen. An I see da way da Egypt peopo stay make dem bus ass an make any kine to dem.

Smart Guys 3:25

So den you no need come sked an shake all ova. Wen da peopo dat do bad kine stuff get big trouble all one time, You no need worry.

Isaiah 26:1

Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 31:5

Jalike wen da muddah birds stay fly ova da nes So notting hurt da bebe birds, Same ting wit Da One In Charge Da God Ova All Da Armies, He no goin let notting hurt da Jerusalem peopo. He goin take kea dem An get dem outa trouble. He goin pass ova dem jalike Moses time, An save dem.”

Isaiah 4:5

Da One In Charge goin make one cloud Ova da Temple on top Mount Zion An ova erybody dat stay come togedda dea Fo show him respeck wen he tell um fo come by him. Day time, goin get one cloud wit smoke ova dem, Nite time, goin get one real bright fire ova dem. Ova all dis awesome stuff goin get one cova, Jalike one tent ova erybody.

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Isaiah 52:12

But wen you guys come back from Babylon side, No need go real fas, Jalike you stay running away from dem. Cuz da God yoa ancesta guy Israel wen pray to, Da One In Charge, he goin go wit you guys. He goin go in front you guys An behind you guys Fo make shua nobody catch you.

Isaiah 54:14

You guys goin come solid Cuz you stay do da right ting erytime, No mo nobody goin put presha on you guys, An you no need stay sked no moa. Cuz da tings dat make you sked, No even goin come nea you guys.

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Jeremiah 31:12

Dey goin come back yelling cuz dey stay good inside, On top da hill wea Da One In Charge stay, Zion side. Dey goin smile plenny cuz Da One In Charge give um plenny— Wheat an barley, new wine an olive oil, Young sheeps, goats, an cows. Dey goin stay jalike one garden dat get plenny watta. Dey no goin lose fight no moa.

Jeremiah 46:13

Dis da kine stuff Da One In Charge tell Jeremiah, da guy dat talk fo him. He tell bout how Nebukadnezzar da Babylon king goin come attack da Egypt land.

Jeremiah 46:2

Dis da message bout Egypt: Dis wat Da One In Charge tell bout da Egypt army. Pharaoh Neko, da Egypt king, wen take all dem Karkemish side by da Eufrates Riva. Nebukadnezzar, da Babylon king, wen win ova dem. Az was da year numba four dat Jehoiakim, Josiah boy, stay da Judah king.

Ezekiel 39:29

I no goin hide from dem no mo cuz I goin give da Israel ohana peopo my Spirit, jalike I pour watta on top dem. Az wat me Da One In Charge, da Boss, tell.”

Amos 9:15

I goin put my peopo on top dea land Jalike I plant um dea. An nobody goin throw um outa dea land, eva. Cuz I wen give um dat land.” Dass wat Da One In Charge tell, an he da God fo dem!

Zekariah 12:4

Da One In Charge tell, “Dat time I goin wack ery horse from da odda peopos fo make um come real sked, an make da guys dat ride um come pupule. I goin take kea da Judah ohana, but I goin make all da odda peopo horses so dey no can see notting.

Zekariah 12:8

Dat time me, Da One In Charge, goin proteck da peopo dat live inside Jerusalem, jalike I stay put one shield aroun um. Az how da mos weak Jerusalem guy goin be jalike David, an da David ohana goin be jalike God, jalike wen da angel guy from Da One In Charge go in front dem.

Zekariah 14:11

Goin get peopo live inside Jerusalem. No mo nobody goin wipe um out one mo time, eva! Jerusalem goin stay safe.

Zekariah 9:7

I goin make um no eat meat wit da blood still inside um, An no eat da meat from da sacrifices dey kill fo dea gods. Da Filisha peopo dat still yet stay alive, God goin own dem. Dey goin come jalike one a da small Judah ohanas. Da Ekron peopo goin come togedda wit my peopo, Jalike da Jebus peopo wen come togedda wit dem.

Jesus Guys 7:34

Fo shua I see how da Egypt peopo make my peopo suffa plenny. I hear dem moaning, an I come fo let dem go. Try come, I goin sen you back Egypt side.’ ”

Jesus Show 20:9

Dey march da odda side a da earth, an make one big circle aroun da peopo dat stay spesho fo God inside dea town. Dass da peopo God get love an aloha fo. But God sen one big fire from da sky on top da odda peopo, an dey get wipe out.