Zekariah 9:7 - Hawaii Pidgin Bible

⁷ I goin make um no eat meat wit da blood still inside um, An no eat da meat from da sacrifices dey kill fo dea gods. Da Filisha peopo dat still yet stay alive, God goin own dem. Dey goin come jalike one a da small Judah ohanas. Da Ekron peopo goin come togedda wit my peopo, Jalike da Jebus peopo wen come togedda wit dem.

Zekariah 9:7 ပူးပေါင်းရင်းမြစ်များ

1 Records 1:14

He da faddah fo da Jebus peopo, da Amor peopo, da Girgash peopo,

1 Records 21:15

Befo God pau, he sen one angel guy Jerusalem town, fo wipe um out. But wen da angel guy start fo wipe out da peopo, God Da One In Charge see um. He change his mind bout how he goin make bad to da peopo, jalike he wen start fo do. He tell da angel guy, “Nuff awready! Stop!” Wen Da One In Charge tell dat, da angel guy stay stan by da open place wea Ornan da Jebus guy split his wheat from da junk kine stuff.

Songs 3:7

Eh! You Da One In Charge! You gotta do someting! Eh, you my God! Get me outa trouble! All da guys dat stay agains me, Slap dea head! Da peopo dat do bad tings, Punch dea face!

Songs 58:6

Eh God! Punch out da teet Inside dese bad leada guys mout! Eh! You Da One In Charge! Dem guys, dey jalike young lions, So go pull out dea big teet!

Isaiah 65:4

Nite time, dey sit inside da graveyard. Dey stay all nite inside da secret places. Dey eat da pig meat dat stay kapu, An make stew outa odda kine kapu meat Dat make dem so dey no can pray.

Jeremiah 48:47

“But bumbye, I goin bring back da Moab peopo So dey no goin be prisonas no moa.” Dass wat Da One In Charge tell. Dass it, fo wat Da One In Charge tell, how he goin punish da Moab peopo.

Jeremiah 49:39

“But bumbye, I goin bring back Da good kine stuff, Jalike da Elam peopo wen get befo time.” Az wat Da One In Charge tell.

Jeremiah 49:6

Still yet, bumbye I goin bring back Da Ammon peopo dat stay come prisonas.” Az wat Da One In Charge tell.

Amos 3:12

Da One In Charge, tell dis: “Wen da lion grab da sheep, Da sheep guy ony bring back litto bit fo show, Maybe two leg bone, o one small piece from da ear. Same ting goin happen wit da Israel ohana! Da ony ting peopo goin bring back from da Samaria guys fo show, Goin be one small piece from one bed O one piece silk from one couch.”

Zekariah 8:23

An one mo ting: Dis wat Da One In Charge, Da God Ova All Da Armies, tell: “Dat time, fo ery Jew guy, goin get like ten odda guys from odda languages an peopos goin grab hold a his robe, an tell um, ‘Eh! Us guys like go wit you! Cuz us guys wen hear dat God stay wit you!’ ”

Zekariah 9:6

Hapa guys goin take ova Ashdod town. Da One In Charge tell, “Da Filisha peopo get big head, But I no goin let um stay lidat.

Zekariah 9:8

But I goin guard my Temple Agains da army guys dat come by dea. I no goin eva let anodda army give my peopo hard time, Cuz I da one stay watch fo take kea dem.”

Galatia 3:28

Now, no matta Jew o not one Jew, slave o not one slave, guy o wahine, you guys all same same cuz you stay tight wit Christ.