Zekariah 9:6 - Hawaii Pidgin Bible

⁶ Hapa guys goin take ova Ashdod town. Da One In Charge tell, “Da Filisha peopo get big head, But I no goin let um stay lidat.

Zekariah 9:6 ပူးပေါင်းရင်းမြစ်များ

Teacha 6:2

God give peopo rich kine stuff, odda stuff, an one good name. Dass how dey get eryting dey like. But maybe God no let um feel good bout da stuff dey get. Den goin get one guy from anodda place goin get um. An dass da guy goin stay good inside bout da odda guy stuffs. But all dat no make sense! Make you sick fo tink bout um.

Isaiah 23:9

Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Jeremiah 47:1

Dis anodda message from Da One In Charge fo Jeremiah, da guy dat talk fo Da One In Charge, bout da Filisha peopo. Dis message come befo da Egypt king guy Pharaoh attack Gaza town.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Amos 1:8

I goin wipe out da leada fo Ashdod town An da guy in charge a Ashkelon town. I goin go agains da peopo dat live Ekron town. Da odda Filisha guys, dey goin come wipe out too!” Dass wat Da One In Charge tell.

Zefaniah 2:10

Cuz dey get big head. Dey talk bad an talk big To da peopo fo Da One In Charge, Da God Ova All Da Armies, Dis wat goin happen to dem:

Zefaniah 2:4

No mo nobody goin stay inside Gaza town. An Ashkelon goin stay all bus up. Befo noon time dey goin throw erybody outa Ashdod. Dey goin pull up da Ekron peopo like weeds.

Zekariah 9:5

Da Ashkelon peopo goin see wat wen happen to Tyre, an come sked. Da Gaza peopo goin squirm an worry real bad. Da Ekron peopo goin come bum out, An no trus nobody. Da king fo Gaza goin mahke. No goin get nobody inside Ashkelon.

Zekariah 9:7

I goin make um no eat meat wit da blood still inside um, An no eat da meat from da sacrifices dey kill fo dea gods. Da Filisha peopo dat still yet stay alive, God goin own dem. Dey goin come jalike one a da small Judah ohanas. Da Ekron peopo goin come togedda wit my peopo, Jalike da Jebus peopo wen come togedda wit dem.

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”