Zekariah 9:5 - Hawaii Pidgin Bible

⁵ Da Ashkelon peopo goin see wat wen happen to Tyre, an come sked. Da Gaza peopo goin squirm an worry real bad. Da Ekron peopo goin come bum out, An no trus nobody. Da king fo Gaza goin mahke. No goin get nobody inside Ashkelon.

Zekariah 9:5 ပူးပေါင်းရင်းမြစ်များ

Isaiah 14:28

Da One In Charge wen give me, Isaiah, dis heavy ting fo tell, da same year dat King Ahaz mahke:

Jeremiah 47:1

Dis anodda message from Da One In Charge fo Jeremiah, da guy dat talk fo Da One In Charge, bout da Filisha peopo. Dis message come befo da Egypt king guy Pharaoh attack Gaza town.

Joel 3:4

“You Tyre an Sidon peopo, an all you Filisha districks, how come you guys stay agains me Da One In Charge? You guys figga you stay pay me back cuz a someting I wen do, o wat?! Cuz if you guys stay pay me back, I goin turn aroun right den an dea, an pay you guys back an make you come shame fo all da tings you guys wen do.

Amos 1:6

You betta lissen! Dis wat Da One In Charge tell: “Ova an ova, da Gaza peopo wen go agains me. Az why, no way I goin let um go an no punish dem! Dey wen make one whole nation dea prisonas An sell um to da Edom peopo fo come dea slaves.

Amos 1:8

I goin wipe out da leada fo Ashdod town An da guy in charge a Ashkelon town. I goin go agains da peopo dat live Ekron town. Da odda Filisha guys, dey goin come wipe out too!” Dass wat Da One In Charge tell.

Zekariah 9:4

But you know wat? Da Boss goin take away dea property, An wipe out all dea powa on top da ocean. Dea big town goin come all burn up.

Zekariah 9:6

Hapa guys goin take ova Ashdod town. Da One In Charge tell, “Da Filisha peopo get big head, But I no goin let um stay lidat.

Jesus Guys 8:26

One angel guy from Da One In Charge tell Philip, “Go south to da road inside da boonies dat go from Jerusalem to Gaza.”

Rome 5:5

Wen us guys stay shua dat God goin do all dis fo us, we no need worry notting. Cuz us guys get da Good An Spesho Spirit God wen give us, dat make us feel inside how plenny love an aloha he get fo us guys.

Philippi 1:20

I stay waiting real good fo dat fo happen. I stay shua dat notting goin make me come shame. I goin be strong, an I no goin come sked. Erytime peopo see wat happen to me, jalike befo time, I like dem see how awesome Christ stay, jalike befo time, no matta I stay alive o I mahke.