Zekariah 9:4 - Hawaii Pidgin Bible

⁴ But you know wat? Da Boss goin take away dea property, An wipe out all dea powa on top da ocean. Dea big town goin come all burn up.

Zekariah 9:4 ပူးပေါင်းရင်းမြစ်များ

Smart Guys 10:2

Wase time, wen you do any kine bad stuff Fo get stuff dat cost plenny. But if you stay do da right ting, Den you goin live long time an no get cut off from God foeva.

Smart Guys 11:4

Wen God ready fo wipe out eryting Cuz he no can stan wat peopo stay do, All da money you get, no goin help you! Wen you stay do da right ting erytime, Dat goin get you outa trouble wit wateva can make you mahke.

Isaiah 23:11

Wen Da One In Charge put up his hand fo use his powa ova da ocean, He make da kings an dea peopos come sked an shaking. He da One dat tell, az time fo wipe out Da towns inside Fonisha dat get strong wall.

Ezekiel 26:17

Den da princes goin sing one sad song bout you guys, an tell you Tyre peopo: “ ‘You guys stay all bus up, Erybody know bout yoa big town. Ocean peopo live dea! You get one real strong navy, You an da odda peopo dat live inside yoa town. All da peopo dat live nea da ocean, You make um come real sked.

Ezekiel 28:16

Cuz wen you trade wit peopo all ova da place, You start fo bus up peopo, an you do bad kine stuff! So me God, I take away yoa right fo stay on top da mountain dat stay spesho fo me. Da one dat stay alive an fly wit God fo guard you, he throw you out, Ova dea wea get da stones dat shine bright jalike get fire inside.

Ezekiel 28:18

You do plenny tings dass not pono, An you scam peopo wen you trade stuff wit um. You even make da places dat stay spesho fo yoa gods come pilau! So I make one fire come outa you an burn you up. I make you come ashes on top da groun In front all da peopo dat stay look you.

Ezekiel 28:2

“Eh! Fo Real Kine Guy! Tell da guy dat stay in charge Tyre side: Dis wat Da One In Charge, da Boss, tell: “ ‘You get one big head. You tell, “Me, I one god! I sit on top da kine throne one god get Inside da middo a da oceans.” But you ony one guy! You not one god, No matta you tink you akamai jalike one god.

Ezekiel 28:8

Dey goin make you go down inside da Deep Dark Hole. Da same way odda peopo get bus up, you goin mahke too, Ova dea in da middo a da ocean.

Joel 3:8

I goin let peopo sell yoa boys an girls to da Judah peopo, an dey goin sell dem to da Sabean peopo, dat stay one far place.” Az wat Da One In Charge tell.

Amos 1:10

Dass why I goin sen army guys Fo burn down da Tyre town wall. Da fire goin eat up da palaces dat get strong wall.”

Zekariah 9:5

Da Ashkelon peopo goin see wat wen happen to Tyre, an come sked. Da Gaza peopo goin squirm an worry real bad. Da Ekron peopo goin come bum out, An no trus nobody. Da king fo Gaza goin mahke. No goin get nobody inside Ashkelon.