Zekariah 9:2 - Hawaii Pidgin Bible

² Da One In Charge talk bout Hamat too, Dat stay nex to Damascus, An bout Tyre an Sidon towns too, No matta dea peopo know plenny bout wat fo do erytime.

Zekariah 9:2 ပူးပေါင်းရင်းမြစ်များ

1 Kings 17:9

“Go Zarefat town now, nea Sidon town. Stay dea. I awready wen tell one widow wahine ova dea fo give you food.”

2 Kings 23:33

Pharaoh Neko make Jehoahaz one prisona Riblah town, inside da Hamat land, an tie him up wit one chain, fo him no stay king inside Jerusalem no moa. An Pharaoh Neko make da Judah peopo pay one big fine, 7,500 poun silva an 75 poun gold.

2 Kings 25:21

Ova dea, Riblah town inside da Hamat land, da king guys kill all dem. Az how plenny Judah peopo go way from dea land an come prisonas Babylon side.

Jeremiah 25:22

all da king guys fo Tyre an Sidon, da king guys from da islans da odda side a da sea,

Jeremiah 47:4

Cuz dis da time awready Fo wipe out da Filisha guys. Fo wipe out all dea guys dat still stay alive, So dey no can help da Tyre peopo an da Sidon peopo. Da One In Charge stay ready fo wipe out da Filisha peopo, Da ones dat come from Crete Islan.

Jeremiah 49:23

Dis wat Da One In Charge tell bout da Damascus peopo: “Hamat town an Arpad town, Da peopo dea donno wat fo do. Cuz dey wen hear bad kine stuff Bout wat wen happen Damascus side. Dey all bodda inside cuz a dat. Dass why dey stay nerjus, Jalike da ocean dat no can stop go up an down.

Ezekiel 27:1

Get one message fo me from Da One In Charge:

Ezekiel 28:1

Da One In Charge tell me:

Ezekiel 28:12

“Eh! Fo Real Kine Guy! Sing dis funeral kine song bout da Tyre king. Tell um: Dis da message from Da One In Charge, da Boss: “ ‘You was da one dat show erybody wat perfeck mean! You know wat fo do erytime, An you real good looking to da max.

Ezekiel 47:16

Berotah an Sibraim stay on da borda in da middo wit Damascus one side an Hamat da odda side. Go all da way to Hazer Hattikon, dat stay nex to da borda Hauran side.

Amos 1:3

You betta lissen! Dis wat Da One In Charge tell: “Ova an ova, da Damascus peopo wen go agains me. Az why no way I goin let um go an no punish dem! Da buggahs wen trash da Gilead peopo, Jalike dey wen go drag one heavy board wit plenny spikes ova dea bodies.

Amos 6:14

But you know wat Da One In Charge tell, da God Ova All Da Armies? He tell dis: “Eh, you guys from da Israel ohana! I goin bring one army from anodda country Ova hea fo go afta you guys. Dey goin make you guys suffa plenny, an chase you all da way From Hamat Pass, north side, All da way thru da Arabah Valley, south side!”

Obadiah 1:20

Da Israel peopo dat wen stay far, an now dey stay inside Canaan, Dey goin get da land all da way Zarefat side. Da Jerusalem peopo dat wen stay far, an now dey live Sefarad, Dey goin take ova da Negev towns.

Census 13:21

Az why dey go up an look all ova da land, from da Zin Boonies south side, all da way to Rehob north side, wea you can go Lebo-Hamat side.