Zekariah 9:17 - Hawaii Pidgin Bible

¹⁷ Da peopo a Da One In Charge, Dey goin be good looking an beautiful! Da wheat an barley goin make da young guys strong. An da new wine goin make da young wahines beautiful.

Zekariah 9:17 ပူးပေါင်းရင်းမြစ်များ

Songs 144:12

Wen oua boys grow up, We like fo dem be Jalike plants dat grow good. We like fo oua girls come strong, Jalike da nice looking kine pos Dat da builda guys carve Fo da corna pos Aroun da king palace.

Songs 145:7

Ova an ova, peopo no goin hold back Fo tell wat dey rememba, Bout how plenny good tings you do. Dey goin stay real good inside an tell How you erytime do da right ting!

Songs 27:4

Ony get one ting I like tell Da One In Charge fo do fo me. Dass da ony ting I stay wait fo: I like stay inside Da One In Charge house Till I mahke! I like hang out inside his Temple an feel good inside dea Fo see how Da One In Charge all da time make good to peopo!

Songs 31:19

Eh God! You awesome, How good you stay! You stash plenny good tings Fo da peopo dat feel jalike dey sked Wen dey stay in front you. You do plenny Fo help da peopo dat come by you Fo you take kea dem. You do good tings fo dem In front erybody.

Songs 36:7

Eh God! You get one big heart Fo help yoa peopo, An no can get notting betta den dis! Az why peopo can run by you An hide fo no get hurt, An you cova dem Jalike da muddah bird Hide dea bebe birds unda da wings.

Songs 45:2

From all da guys dat get, You da mos good looking. Erytime you talk, show you get aloha. Az why God do good tings fo you erytime.

Songs 50:2

From Mount Zion, Da bestes looking place, Dass da place wea God show How awesome he stay!

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Songs 90:17

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Love Song 5:10

Da one I love shine bright! He strong looking! He mo betta den ten tousan oddas!

Love Song 7:9

An inside yoa mout, az jalike da bestes kine wine. An I like dat wine go strait to da one I love. An go ova his lips an teet easy kine.

Isaiah 33:17

Bumbye, you goin see da king, An he goin look real good! An you goin see one land dat stay real big!

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Jeremiah 31:12

Dey goin come back yelling cuz dey stay good inside, On top da hill wea Da One In Charge stay, Zion side. Dey goin smile plenny cuz Da One In Charge give um plenny— Wheat an barley, new wine an olive oil, Young sheeps, goats, an cows. Dey goin stay jalike one garden dat get plenny watta. Dey no goin lose fight no moa.

Jeremiah 31:14

I goin give da pries guys da bestes kine stuff fo eat Fo dem stay good inside. I goin give my peopo all da good stuff dey can eat.” Az wat Da One In Charge tell.

Joel 2:26

Now you guys goin get plenny food fo eat. You guys goin come full. You guys goin talk good bout yoa God, Da One In Charge. He wen do plenny good kine stuff fo you guys. You guys my peopo, an you no goin lose face one mo time.

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 3:16

“God get plenny love an aloha fo da peopo inside da world. Dass why he sen me, his one an ony Boy. Cuz a dat, erybody dat trus me no goin get cut off from God foeva! Dey goin get da real kine life dat goin stay to da max foeva!

Rome 5:20

God give us his Rules so erybody know how real bad da bad kine stuff stay. But wen you get peopo do bad kine stuff mo an moa, God do mo an mo plenny good kine stuff.

Rome 5:8

But God show how plenny love an aloha he get fo us, cuz same time we do bad kine stuff, Christ still yet wen mahke fo us.