Zekariah 9:12 - Hawaii Pidgin Bible

¹² Go come back by yoa strong wall, you prisona guys, Da ones dat stay wait fo me do someting. Even now I tell you guys Dat I goin give you guys back Two good tings fo ery bad ting Dat wen happen to you.

Zekariah 9:12 ပူးပေါင်းရင်းမြစ်များ

Job 42:10

Afta Job pray fo his frenz, Da One In Charge make eryting come good fo him one mo time. Da One In Charge even give him double wat he get befo time.

Isaiah 24:22

He goin bring dem togedda An put um inside one prison, Jalike dey prisonas all tie up inside one hole. He goin lock um up dea, jalike inside one prison. Afta long time, den he goin punish dem.

Isaiah 38:18

From inside da Mahke Peopo Place, No mo nobody can tell dey know how awesome you Da mahke peopo no can tell dat you da greates. Da peopo dat go down inside da Deep Dark Hole, Dey no wait fo you do wat you tell you goin do.

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 49:9

An I goin tell da prisona guys, ‘Go come! Go outside!’ An I goin tell da peopo Dat stay inside one dark place, ‘Go! You guys not prisonas no moa!’ “Jalike da sheeps an da goats, Dey goin find dea food by da side a da road, An on top da hills wea no mo tree.

Isaiah 52:2

Shake off da dirt from wea you sit. Get up, you Jerusalem peopo! Sit down jalike kings on top yoa thrones. Hemo da slave band aroun yoa neck You guys was prisonas befo time, but not now!

Isaiah 61:7

Befo time, you guys had shame. Bumbye, you goin get double da stuffs you get befo time. Befo time, nobody respeck you guys. Bumbye, yoa peopo goin yell cuz dey feel good inside. So, yoa peopo goin own double da land, An dey goin dance an sing all da time Cuz dey feel good inside.

Jeremiah 14:8

You da One us Israel peopo wait fo. You da One stay get us outa trouble Wen we get hard time. So! How come you ack Jalike one guy from anodda place dat donno us?! How come you ack Jalike you ony stay hea one nite?!

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Jeremiah 17:13

You Da One In Charge, da One us Israel peopo wait fo! Erybody dat bag from you goin come shame. Da peopo dat no go yoa way, Ony get one place wea somebody goin write dea name: Az on top da dirt. Cuz dey wen bag from you, Da One In Charge. No matta you jalike one watta spring fo dem Wea da watta come out all da time an make peopo come alive.

Jeremiah 31:17

Da One In Charge tell dis too: “Da ting you like see happen, Fo shua dat goin happen bumbye. Da peopo dat goin come from you Dey goin come back dea land.

Jeremiah 31:6

Goin come one time Wen da security guard guys On top da hills Efraim side Goin yell lidis: ‘Go come! fo us go Mount Zion Fo talk to oua God, dass Da One In Charge a us, Jerusalem side.’ ”

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 51:10

Da One In Charge wen make erybody see Dat us Israel an Judah guys get um right wit him. Go come, we go tell da Israel an Judah Guys story Jerusalem side, Wat oua God, dass Da One In Charge a us, wen do.”

Ezekiel 37:11

Den Da One In Charge tell, “Eh! Fo Real Kine Guy! Dese bones, dey all da Israel ohana peopo. Dis wat dey tell: ‘Oua bones, all dry up! Da tings us wait fo happen, no goin happen! Us guys all wipe out!’

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

Joel 3:16

Da One In Charge goin make one big noise From his temple on top Mount Zion. His voice goin soun real loud from Jerusalem. Da earth an da sky goin shake. But Da One In Charge goin be jalike one place fo hide fo his peopo, Jalike one strong place wea da Israel peopo can hide.

Micah 4:8

Jerusalem on top da hill, Goin stay jalike one watch towa. From dea, God goin watch ova his peopo, Jalike one sheep guy watch ova his sheeps. All da places wea da ol kings stay in charge befo time Goin get Jerusalem fo dea main town one mo time. Goin get king guys fo da Jerusalem peopo.

Nahum 1:7

Da One In Charge, he good! He jalike one place fo hide wen get trouble. He take kea da peopo dat trus him.

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.

Hebrews 6:19

Wen we trus God an we know he goin do good stuff fo us bumbye, dat make us stay strong an solid inside, jalike wen da boat anchor come stuck on da reef an den da boat no move. Wen we trus God lidat, den we goin come tight wit him. Dass jalike wen da Jew Main Pries Guy go inside da Real, Real Spesho Place wea God stay inside.