Zekariah 9:10 - Hawaii Pidgin Bible

¹⁰ He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Zekariah 9:10 ပူးပေါင်းရင်းမြစ်များ

1 Kings 4:21

Solomon was da King in charge a all da local kine kings from da Eufrates Riva to da Filisha land, an all da way to da Egypt borda. Da local kine kings bring rich kine gifs fo Solomon an dey work fo him all da time Solomon stay alive.

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Songs 72:3

I like da peopo stay do wass right, Cuz den, da up country land Goin give enuff food Fo make eryting okay fo dem, An da hill land Goin give um plenny too.

Songs 85:8

I goin lissen real good To wat God, Da One In Charge, tell. He tell da peopo dat stay tight wit him He goin make eryting go good fo dem. But no good dey go do dumb tings One mo time, you know!

Songs 89:26

He goin tell me, ‘Eh God, you my faddah! You da God fo me. You get me outa trouble cuz you strong Jalike one big rock.’

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 2:4

Wen diffren countries figga diffren kine bout someting, Da One In Charge goin be da judge dat tell who a dem stay right. He goin tell wat peopos stay right An wat peopos stay wrong. Den dey goin take dea swords, An make um come plows. Dey goin take dea spears, An make um come knifes fo prune da plants. Dat time, no mo country goin fight anodda country no moa. Dey no even goin know how fo fight an make war no moa.

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Hosea 1:7

Mo betta, I goin show pity fo da Judah ohana, an I goin get dem outa trouble. But I no goin do dat wit bows an arrows, o swords, o war, o wit da guys dat ride da horses. I dea God, Da One In Charge, so I no goin need all dat fo me get um outa trouble.”

Hosea 2:18

Dat time I goin make one deal Wit da wild animals inside da fields, Da birds inside da sky, An da small animals dat move aroun on top da groun. I goin take away da bows an arrows, da swords, an wars from da land. Den erybody can live an no mo notting goin hurt dem.

Hosea 2:20

I goin marry you an you goin trus me. An you goin know who me fo shua, Da One In Charge.”

Micah 4:8

Jerusalem on top da hill, Goin stay jalike one watch towa. From dea, God goin watch ova his peopo, Jalike one sheep guy watch ova his sheeps. All da places wea da ol kings stay in charge befo time Goin get Jerusalem fo dea main town one mo time. Goin get king guys fo da Jerusalem peopo.

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Micah 5:9

You guys goin come strong enuff Fo win ova da peopo dat stay agains you. All dose guys goin come wipe out.

Haggai 2:22

I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.

Jesus Guys 10:36

Dis da Good Stuff dat God send peopo fo tell da Israel peopo: ‘Eh! Us guys can come frenz wit God an feel good inside cuz a wat Jesus Christ wen do. He Da One In Charge a eryting an erybody.’

2 Corint 5:18

All dat stuff come from God. He wen make us guys come pono wit him cuz a wat Christ wen do. An he wen tell us fo help da odda peopo come pono wit him too.

2 Corint 5:20

Us guys da guys dat talk fo Christ. We tell all da peopo dat God stay beg um fo come back. Cuz us Christ guys, we stay beg you guys, “Eh, come pono wit God.”

Rules Secon Time 11:24

Ery place wea you guys put down yoa feets goin be yoa property. Yoa land goin go from da boonies south side to Lebanon north side, an from da Eufrates Riva east side to da Mediterranean Sea west side.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”