Zekariah 8:23 - Hawaii Pidgin Bible

²³ An one mo ting: Dis wat Da One In Charge, Da God Ova All Da Armies, tell: “Dat time, fo ery Jew guy, goin get like ten odda guys from odda languages an peopos goin grab hold a his robe, an tell um, ‘Eh! Us guys like go wit you! Cuz us guys wen hear dat God stay wit you!’ ”

Zekariah 8:23 ပူးပေါင်းရင်းမြစ်များ

Start 31:41

Yeah, dass wat happen to me, da twenny year I stay wit you. I wen work fourteen year fo marry yoa two daughtahs, plus six year fo pay you fo da sheeps an goats. An den, you change my pay plenny times.

Start 31:7

But him, he bulai me. Ova an ova, he change wat he pay me. “But God neva let him do notting fo hurt me.

2 Kings 2:6

Den Elijah tell Elisha, “You, stay ova hea. Cuz Da One In Charge tell me now fo go da Jordan Riva.” An Elisha tell, “Jalike fo shua Da One In Charge stay alive an you stay alive, I shua dat I no goin leave you.” So da two guys hele on.

1 Records 12:18

Den God Spirit take ova Amasai, da leada fo da thirty bestes army guys. He tell, “Us, yoa guys, David! Us stay tight wit you, Jesse boy! Us like eryting come real good fo you fo real kine, An same ting fo da guys dat help you win, Cuz yoa God help you.” So David take dem, an make dem da leadas fo his raida kine army guys.

2 Records 15:9

Den Asa tell all da Judah an Benjamin peopo fo come togedda. He tell da peopo from da Efraim, Manasseh, an Simeon lands dat wen move house fo live wit dem fo come too, cuz plenny peopo wen come ova by Asa from Israel wen dey see dat his God, Da One In Charge, stay wit him.

Esther 8:17

Inside ery districk an big town, wea eva da rule dat da king tell wen come, all da Jews stay real good inside. Dey make big party an hoolaulea. An plenny odda peopo come Jews, cuz now dey real sked a da Jews.

Job 19:3

Ten times awready you guys talk bad fo make me come shame, But you guys no shame fo attack me.

Teacha 11:2

An peopo tell, “Share some stuff wit seven o eight peopo, Cuz you donno wat kine bad ting goin happen in dis world.”

Isaiah 3:6

“One guy goin grab one a his braddahs From inside dea faddah house An tell, ‘Come on, you get one robe, So you be oua leada, You take kea all dis trouble!’

Isaiah 4:1

Dat time, afta plenny guys mahke in da war time, Seven wahines goin grab one a da guys dat still stay dea. Dey goin tell um, “Ony marry us Fo us get yoa name, Fo peopo no talk bad bout us An make us come shame cuz we no mo husban. We goin eat da food us get awready, An wea da clotheses us get awready.”

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 45:24

Dey goin tell dis bout me, ‘Fo shua, ony one way fo do da right kine stuff, Ony one way fo stay strong: Gotta stay tight wit Da One In Charge!’ But erybody dat come huhu wit Da One In Charge Dey gotta go in front him, An dey goin come plenny shame.

Isaiah 55:5

An den, I tell dat guy, ‘You goin tell da nations fo come, Dat you donno befoa. An da peopo in da odda countries Dat donno you, Dey goin run to you. Az cuz me Da One In Charge, yoa God, Da Good An Spesho One fo da Israel peopo, Da One make you come awesome.’ ”

Isaiah 60:14

Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’

Isaiah 60:3

Da peopos from plenny countries Goin come by you guys fo see da light you get. King guys goin come fo see da light too, Cuz stay bright, Jalike da sun come up fo you.

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Micah 5:5

He goin be da one make eryting come okay. Bumbye, wen da Assyria guys Goin come inside oua land fo fight, An come ova oua strong wall. Den us guys goin put up seven o eight leada guys Fo take kea us an stay in charge, Jalike da sheep guys take kea dea sheeps.

Zefaniah 3:19

Wat I goin do dat time, I goin do wat I gotta do To all da peopo dat put presha on top you guys. I goin help da ones dat no can walk good, An bring togedda da ones dat stay scatta. Right now, dose peopo get shame. But I goin make peopo all ova da world Talk good bout dem, an show respeck fo dem!

Census 14:22

An cuz az how I stay, I tell dis: Dese peopo wen see how awesome me. Dey wen see da awesome stuff I do inside Egypt an inside da boonies. An still, dey no lissen me, an dey tes me ova an ova!

Luke 8:44

She come behind Jesus an touch his clotheses. Right den an dea she pau bleed.

Jesus Guys 19:12

Dey take handkerchiefs an aprons dat he wen touch, an bring um by da sick peopo, an dey come good. An da bad kine spirits no bodda da peopo no moa.

1 Corint 14:25

Cuz da secret kine tings dat da guy no like nobody know, he try hide um inside him, but no can, cuz dat stuff goin come outside an erybody goin know. Den he goin go down on his face an show God love an respeck, an tell erybody, “Fo shua, God stay wit you guys!”

Joshua 8:35

Joshua read eryting dat Moses wen tell to all da peopo dat stay dea, wit da wahines, an da kids, an da peopo from anodda place dat live wit dem.