Zekariah 8:22 - Hawaii Pidgin Bible

²² An plenny peopos an odda strong nations goin come Jerusalem fo pray to Da One In Charge, an tell him fo do good tings fo dem.”

Zekariah 8:22 ပူးပေါင်းရင်းမြစ်များ

Songs 68:30

Tell yoa army guys fo yell an attack Da odda nations dat no do wass right. Put presha on dem fo dem bring Silva fo pay you guys. Dose nations jalike da wild animals Dat live by da riva Wea da tall reeds grow. Dey jalike one bunch young calfs Dat get da bulls in charge a dem. But God goin scatta da nations Dat like beef.

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 25:7

An on top dis mountain too, Da One In Charge goin do dis Fo all da diffren peopos inside all da countries: He goin take away da sore dey get inside, An make um know wass fo real. Cuz still yet, jalike dey all get cova ova dea head, An Da One In Charge goin take away dat cova.

Isaiah 49:22

Dis anodda spesho message from Da One In Charge, da Boss. He tell: “Look! I goin put up my hand To da peopo inside da odda countries, An put up my flag Fo all da diffren peopos know az time awready. Den dey goin bring yoa small kids inside dea arm An yoa girls on top dea shoulda.

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Isaiah 55:5

An den, I tell dat guy, ‘You goin tell da nations fo come, Dat you donno befoa. An da peopo in da odda countries Dat donno you, Dey goin run to you. Az cuz me Da One In Charge, yoa God, Da Good An Spesho One fo da Israel peopo, Da One make you come awesome.’ ”

Isaiah 66:23

All da time, ery new moon time an ery Res Day, all da peopo all ova da world goin come an go down in front me.” Az wat Da One In Charge tell.

Jeremiah 4:2

Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”

Micah 4:2

Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Micah 4:3

Den he goin be da judge fo plenny peopos, An show da nations how dey no need fight, No matta how strong o how far dey stay. Dey goin take dea swords An make plow points outa dem. Dey goin take dea spears An make um come knifes fo prune da plants. Dat time, one peopo no goin fight anodda peopo. Dey no goin even learn how fo fight an make war no moa.

Haggai 2:7

I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.

Zekariah 14:16

Den all da peopo dat still yet stay alive from all da peopos dat wen go agains Jerusalem, dey goin come back ery year fo go down in front da King—Da One In Charge, Da God Ova All Da Armies. Da peopos goin go Jerusalem fo make Da Spesho Religious Ceremony Fo Live In Shacks.

Zekariah 8:21

An da peopo from one town goin go anodda town an tell, ‘Fo shua, us guys like go Jerusalem wit you guys right now, fo go in front Da One In Charge fo tell him us guys like fo him do good tings fo us! We go pray to Da One In Charge, Da God Ova All Da Armies. I goin go, you come too!’

Galatia 3:8

God wen show befo time inside da Bible dat he goin make all da diffren peopos get um right wit him cuz dey trus God. Az why God tell Abraham da Good Stuff From God way befo time. He tell: “Cuz a you, I goin do plenny good stuffs fo all da diffren peopos all ova da world.”

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 21:24

All da diffren peopos all ova da world goin walk aroun inside da light ova dea. Da kings from all ova da world goin bring all dea awesome stuff inside God big town.