Zekariah 8:12 - Hawaii Pidgin Bible

¹² “Da seeds goin grow good, da grape vines goin grow fruits, da groun goin grow food, an da sky goin give watta. I goin give all dis stuff to da peopo dat still yet stay alive.

Zekariah 8:12 ပူးပေါင်းရင်းမြစ်များ

Start 26:12

Dat year, Isaac plant seeds inside da Gerar land. An from ery bag wheat seeds dat Isaac plant, he get hundred bag wheat! Da One In Charge give him da powa fo do plenny,

Start 27:28

I like God give you da mist from da sky An good kine crop from da land, Plenny wheat an plenny wine.

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

Songs 72:3

I like da peopo stay do wass right, Cuz den, da up country land Goin give enuff food Fo make eryting okay fo dem, An da hill land Goin give um plenny too.

Songs 85:12

An mo den all dis, Da One In Charge Goin give good tings to us guys, An oua land goin grow Choke plenny stuff.

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Isaiah 61:7

Befo time, you guys had shame. Bumbye, you goin get double da stuffs you get befo time. Befo time, nobody respeck you guys. Bumbye, yoa peopo goin yell cuz dey feel good inside. So, yoa peopo goin own double da land, An dey goin dance an sing all da time Cuz dey feel good inside.

Jeremiah 31:12

Dey goin come back yelling cuz dey stay good inside, On top da hill wea Da One In Charge stay, Zion side. Dey goin smile plenny cuz Da One In Charge give um plenny— Wheat an barley, new wine an olive oil, Young sheeps, goats, an cows. Dey goin stay jalike one garden dat get plenny watta. Dey no goin lose fight no moa.

Ezekiel 34:28

Da odda nations no goin rip off my peopo no moa. Da wild animals no goin eat um up no moa. Notting goin hurt dem, an no mo nobody goin make dem come sked.

Ezekiel 36:12

I goin bring my Israel peopo fo walk on top yoa mountain trails. You mountains goin be da property da peopo goin get from dea ancesta guys. An you mountains no goin take away kids no moa.

Ezekiel 36:30

I goin make yoa trees get plenny fruit an yoa fields grow plenny food. Den you guys no goin come shame cuz you no mo food, da way da odda nations goin see you guys.

Ezekiel 36:9

I get one big heart fo you guys an I goin watch ova you. Peopo goin plow yoa land an plant stuff ova dea.

Hosea 13:3

Az why dey goin disappea fas, Jalike da clouds, morning time. Jalike da dew dat come out early an den go way. Jalike da junk kine stuff dat da wind blow way from da wheat an barley. Jalike da smoke dat go outa one window.

Hosea 14:5

Jalike da dew give watta from da sky fo make da lily flowa come out, I goin make da Israel peopo come strong lidat. Dey goin be jalike da cedar trees Lebanon side Dat sen down deep roots.

Joel 2:19

Da One In Charge goin ansa his peopo lidis: “Lissen up! I goin sen wheat an barley, new wine, an olive oil fo you guys, Enuff fo you guys come full. I no goin let da odda peopos talk bad bout you guys no moa.

Joel 2:22

Da wild animals no need come sked, Cuz da fields inside da boonies stay come green. Da trees stay make dea fruit, Da fig tree an da grape plant give plenny good kine fruits.

Prieses 26:3

“If you guys live da way I tell you gotta live, an lissen up real good wat I tell you fo do,

Zefaniah 3:13

“Da Israel peopo dat still stay alive, Dey no goin do wrong kine stuff. Dey no goin bulai peopo. Dey no goin tell stuff you no can trus. Jalike sheeps dat eat grass an den res, No mo notting goin make dem run away sked.”

Haggai 1:10

Az why, cuz a you guys, da sky hold back even da light rain, an da groun hold back da food.

Haggai 2:18

From today, Decemba 18, tink good bout dis day. Dis da day you guys put da foundation fo my Temple. Tink plenny bout dis:

Haggai 2:19

No mo seeds inside da place fo store seed, cuz you wen plant um awready. An you stay wait fo da grape vine, da fig tree, da pomagram tree, an da olive tree dat goin give fruit. “ ‘But from today I goin do good kine tings fo you guys.’ ”

Zekariah 8:6

Da One In Charge, Da God Ova All Da Armies, tell: “Wen dat happen, all da peopo dat still yet stay alive goin tink dis no can happen now! But you tink dat I figga no can happen now, o wat?! No ways!”

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

1 Corint 3:21

So den, no good talk big bout some guy. Cuz eryting stay fo you guys awready.

Rules Secon Time 32:2

I like wat I teach fall down jalike da rain. An wat I tell come jalike wen get plenny dew, Jalike small kine rain on top da new grass, Jalike plenny rain on top young plants.

Rules Secon Time 33:13

Dis wat Moses tell bout da Joseph ohana: “I like Da One In Charge do plenny good kine stuff fo dea land, An give dem da bestes kine dew Dat come from da sky, An da watta from deep undaneat da groun.

Rules Secon Time 33:28

Dass how da Israel peopo goin live, An nobody goin hurt dem. Da place wea dey live, Nobody goin bodda dem o wipe um out. Da land get plenny wheat an barley an new wine An da sky give plenny dew dea.

James 3:18

Get peopo dat stay cool head an stop all da trouble da odda guys make. Wat you figga dey goin get from all dat? Cuz a dose peopo, bumbye da odda guys goin do da right kine stuff dat God like. Da peopo dat stay cool head an stop all da trouble, dey jalike one farma guy. Firs, da farma guy plant da seeds, den bumbye, he get da food from da plants.