Zekariah 7:13 - Hawaii Pidgin Bible

¹³ Den Da One In Charge, Da God Ova All Da Armies, tell, “I wen call dem, but dey no lissen. So wen dey goin call me, I no goin lissen!

Zekariah 7:13 ပူးပေါင်းရင်းမြစ်များ

Smart Guys 21:13

Wen peopo yell fo help cuz dey need someting, An you make deaf ear, Goin be same same fo you. Wen you yell fo help, Nobody goin lissen you!

Smart Guys 28:9

Wen somebody make deaf ear An no lissen da Rules from God, Wen da guy pray to God, God goin tell, “Bummahs! No good, wat you tell me!”

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Jeremiah 11:10

Dey stay make jalike befo time an do wass wrong. Dey do same kine ting dea ancesta guys wen do. Dea ancesta guys neva like lissen wat I tell. An now, dese guys stay tight wit odda gods an work fo dem. Da Israel an Judah ohanas wen broke da deal I wen make wit dea ancesta guys.

Jeremiah 11:11

Az why dis wat me, Da One In Charge, tell: ‘I goin make one real bad kine ting happen to dem, an dey no goin get outa dat. Dey goin yell fo me help um, but I no goin lissen.

Jeremiah 11:14

“Eh Jeremiah! Az why, no pray fo dis peopo no moa! No go yell o beg me fo do stuff fo dem! Cuz I no goin lissen wen bad tings happen an dey yell fo me fo help dem.

Jeremiah 14:12

No matta dey skip food wen dey pray, I no goin lissen wat dey yell to me fo do. No matta dey make burn up kine sacrifices an wheat an barley kine sacrifices, I had it wit wat dey stay do. I goin be da One dat goin wipe dem out cuz a da war, an cuz dey no mo food, an cuz a da real bad kine sick.”

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 7:27

“Wen you tell dem all dis stuff, dey no goin lissen you. Wen you yell to dem, dey no goin ansa.

Sad Song 3:44

Jalike you cova up wit one cloud, Fo no hear wen we pray to you.

Ezekiel 14:3

“Eh! Fo Real Kine Guy! Dese guys wit you, dey tink ony bout dea idol kine gods. Dey like do da kine stuff dat bumbye goin make dem do wass wrong. So, you tink az good fo me let um know wass goin happen, o wat?

Ezekiel 20:3

“Eh! Fo Real Kine Guy! Tell da older leadas fo da Israel peopo: Dis wat me Da One In Charge, da Boss, tell: You guys stay come by Ezekiel fo find out wat I tell, aah? Fo shua I stay alive, an fo shua I no goin tell you guys notting wen you aks me stuff. Az wat me Da One In Charge, da Boss, tell.

Ezekiel 8:18

So same ting. Me, Da One In Charge, I real huhu. I goin show how huhu I stay wit dem. I no goin pity dem. I no goin hold back. No matta dey yell loud, I no goin lissen dem.”

Micah 3:4

Bumbye, dose leada guys goin yell real loud Fo Da One In Charge help dem. But he no goin ansa dem! Dat time he goin hide his face from dem guys, Cuz a all da bad kine stuff dey wen do.”

Luke 13:25

God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’

James 4:3

Yeah, you aks fo um, but still yet you no get um, cuz inside you no stay right. Da kine stuff you stay aks fo, az ony fo make you feel good, az why.