Zekariah 6:13 - Hawaii Pidgin Bible

¹³ He goin build da temple fo me, an he goin get respeck jalike he one king, an sit on top his throne, an lead jalike one king. He goin be one pries guy too, ova dea on top his throne. He goin do da two jobs togedda, an do um good.’

Zekariah 6:13 ပူးပေါင်းရင်းမြစ်များ

2 Samuel 7:13

He da one goin build one temple fo show wat kine god me, an I goin make his blood line strong an solid, so da king guys dat goin come from him, goin stay king foeva.

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Songs 110:4

Da One In Charge Make dis strong promise awready, An he no goin change his mind. He tell: “You, you stay one pries foeva fo me. Da same kine pries jalike Melkizedek.”

Songs 21:4

Da king wen tell you fo give him life, An you wen give him long life, foeva!

Songs 21:5

Da One In Charge, you make peopo get plenny respeck fo da king, Cuz you help him win da war. You make him awesome an importan,

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 22:24

Him da one gotta carry da load Fo all his faddah guy ohana peopo Fo make shua dey all get respeck. Dey goin make Eliakim take kea eryting fo dem, Even da mos small kine stuff.’ ”

Isaiah 54:10

No matta no mo da mountain An da hills shake, Da way I stay tight wit you guys, Dat no goin change, An da deal I wen make wit you guys Fo make shua eryting stay good fo you, Dat goin still stay solid.” Dass wat Da One In Charge tell. He get love an pity fo you guys.

Isaiah 9:5

Fo shua, all da boots da army guys wear wen dey fight, An all da clotheses dat get blood all ova um, Dey goin throw all dat kine stuff on top da fire Fo burn um up.

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Jeremiah 23:6

Wen he da king, da Judah peopo goin get outa trouble, An da Israel peopo goin know fo shua eryting stay okay. Dey all goin give dea king one name dat mean, ‘Da One In Charge, da one dat do right fo us guys erytime.’ ”

Jeremiah 33:15

“Dat time, I goin make one guy from da King David blood line come up, One guy dat stay do wass right erytime, Jalike one new branch come out from one tree. He goin make shua get good judge guys Dat stay do wass right inside da land.

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Zekariah 4:14

So he tell me, “Dese branches, dey da two guys dat Da One In Charge wen pick. He put olive oil on top dea heads fo show dey work fo him, da Boss fo all da world.”

Zekariah 4:9

“Zerubbabel wen put down da foundation fo dis temple, an he goin build da whole ting too. Den you, Zerubbabel, goin know dat was Da One In Charge, Da God Ova All Da Armies, wen sen me by you guys.

Zekariah 6:11

Take da silva an gold an make crowns. Put one crown on top da Main Pries Guy head. Az Joshua, Jehozadak boy.

Rome 5:1

Cuz us guys trus God, az why God tell us guys we get um right wit him. Us pono wit him, cuz a wat Jesus wen do, Da One In Charge a us guys.

Hebrews 3:1

My braddahs an sistahs, you guys real spesho fo God in da sky. He wen tell all you guys fo come be his guys, an dass wat you guys wen come awready. So try tink lidis bout Jesus! Us guys tell all da peopo dat he da Guy dat God wen sen fo tell peopo wat God tell, an he da Main Pries Guy fo us guys.

Hebrews 6:20

Dass da place wea God stay fo real kine, an Jesus wen go dea befo time fo us guys. Dass jalike da Main Pries Guy go inside da Real, Real Spesho Place inside God Temple. Jesus wen do dat fo us cuz he da Main Pries Guy foeva. He da same kine Main Pries Guy jalike Melkizedek befo time.

1 Peter 3:22

Jesus wen go back inside da sky, an he stay ova dea in da mos importan place, by God right side. Get all da angel guys, da leada guys, an da guys wit powa, an dey all gotta do wat he tell um fo do.

Jesus Show 3:21

Whoeva fight an win, I goin give dem da right Fo sit by me wea I stay on top my throne. Jalike me, I win awready, An now I stay sit down by my Faddah Wea he stay on top his throne.