Zekariah 5:2 - Hawaii Pidgin Bible

² Da angel messenja guy aks me, “Wat you see?” I tell him, “I see one roll up paypa dat stay flying. Da paypa thirty feet long, an fifteen feet wide.”

Zekariah 5:2 ပူးပေါင်းရင်းမြစ်များ

Jeremiah 36:2

“Go get papyrus kine paypa fo make one roll up kine book. Write on top um all da messages I wen give you bout wat goin happen to Israel, Judah, an da odda peopos. Start from da time wen Josiah stay king an wen me start fo talk to you da firs time, till now.

Amos 7:8

Da One In Charge tell me, “Eh Amos! Wat you see?” I tell um, “One string jalike da house builda guys pull fo check out if da wall stay strait.” My boss tell, “I tell you dis: My peopo, da Israel peopo, dey no stay strait inside! I wen check dem out awready, jalike da house builda guy pull string fo check out da wall. Dis time, cuz a da bad kine stuff dey stay do, no way I goin let dem go one mo time.”

Zefaniah 1:14

“Da day stay nea wen me Da One In Charge come fo judge da peopo! Goin happen fas! Lissen! Da peopo goin yell real hard. Da guys dat fight goin scream ova dea.

Zekariah 4:2

He aks me, “Wat you see dis time?” I tell um, “I see one lamp stan, da kine dey make from gold. Get one bowl on da top, an on top da edge a da bowl, get seven olive oil lamps. Get seven places fo da wicks a da seven lamps.

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

Jesus Show 18:5

Cuz all da bad kine stuff da Babylon peopo stay do, Real plenny, jalike dey stack up to da sky! I know all da tings dey do dat no stay right.